MAHMUAKA KUT HNU

Mahmuaka Chhakchhuak Nov. 28, 2023   Fur chhia a reh ṭan a, khua a lo tuihul ṭanin boruak uap cherh churh te pawh chu alo reh ṭan ta bawkin Favang boruak a rawn her ṭan ta. Ṭhenkhatte tan chuan reiloteah kristmas lo thleng leh mai tura ngaiin ngaihtuahna te pawh hman a hun lai tak te pawh a ni ngei ang a, ṭhenkhatte thung chuan kumtluana thawhrah seng turin an ngaihtuahna an hmang ngei bawkin a rinawm. Hetiang ka ngaihtuah lai hian kan ,henawmpa ve thung hi chuan ramvah lo chu a ngaihtuah ka ring lo thung. A ni hi chu tunhma lama ‘Mizopa’ kan tih ang takin Mizo tak hi a ni a, chempui hi a tat hriau hriau reng maiin lungtat ṭha tak hi a nei a. Silai   ṭha tak a neih bawk vangin a khat tawkin a riak bo leh zauh zauh ṭhin bawk a, thangkam te lah chu a hnehsawh viau bawk. Tun lai hunah sa kah leh thangkam tih vel chu kan ching tawh ngai loin ramsa leh savate an khawngaihthlak tih thu hrilh fo ṭhin mah ila a ni ngaihdan chuan an no neih hunlaiin ka kap bik chuang lo a, an r...

Mahmuaka Chhakchhuak Nov. 11, 2023   Zahawmna hi mi thenkhatte hi chuan lei theihah an ngai emaw tih mai tur a ni a. A chhan pawh hming bula ‘Dr.’ tih dah lante hi zahawmnaa an ngaih vang ni berin a hriat a, chutiang chu khawi hmunah emaw lei mai tur alo awm a ni awm e. Thenkhatte lah hian kohhrana kan nihna leh kan rawngbawlna hi hmun dangah pawh chhawm chhunzawm zel kan tum emaw tih turin ‘Upa’ kan nihna chu kan hming ziahnaah ziah lan tel zel kan han tum bawk a. Nihna ropui leh chhuanawm tak a nihna hi a kengtu lam hian kan tihhmelhem theihna tur lam reng hi ngaihtuah lo kan awm thin.   Engkim hian hun leh hmun a nei tih hi kan hriat reng a pawimawh a, a nih loh chuan a hmun loa thil awm chu bawlhhlawh a ni tih ang maiin midang mit a tih mim theihna tur hi a awm thin. Manmohan Singh ngei pawh hi Politics lama ke a pen hma chuan Punjab University-ah Professor puitling a ni tawh a, Professor hmingtha leh mithiam bikte’na an chelh thin University Grants Commission (UGC...

Mahmuaka Chhakchhuak Nov. 21, 2023   A hun leh ni kan hrereng a, zing thawhhlim leh hnathawh hah lai pawh nisela tupawh mai hian Kristmas Ni hi min zawt pawh nisela a tu amah hian kan sawi sual kher hian ka ring lo. Kohhran upa atanga pathlawi zurui kal pai tuang tuang leh naupang chenin he ni pawimawh tak hi khel loa kumtin kan lawm thin dan te thlengin kan sawi thei zul bawk ang. Khatih laia Lal Isua piang kha a lawmpuitute chu mi tlemte chauh kan hria a nih kha, chung mi tlemte zingah chuan khawchhak mifingte erawh an langsar hle thung. Nimahsela a lo pian avang erawh chuan khawvel a buai a, a kum rualpui engemawzatin nunna an chan phah zawk kha hriatthiam a har a sin! Enge a chhan ni ang le? A hma kum 400 vel daih tawh khan he Nausen lo piang tur hi hrilhlawk a niin a awmdan tur leh a thiltih tur engkim hrilhlawk a ni a, chutiang ang chuan a ni chuan rawn ti dik zelin a hun tawp ber thlengin a zawma. A lo pian hunlaia khawvel buaina pawh chu thleng tur reng a ni a, a ch...

Mahmuaka Chhakchhuak Nov 19, 2023   Mizoram Sorkarin Mizo ṭawng hmasawnna leh humhalhna lama hma la tura Sept. 29, 2023-nia a din Mizo Language Development Board (MLDB) chuan a hmasa ber atan Nov. 17, 2023 (Zirtawp ni) ah khan ṭhutkhawm neiin hmalak dan tur an sawi ho. He ṭhutkhawm pawimawh takah hian Mizo ṭawngin hma a sawn zel theihna tur atan tinzawn bik neia hma latu tur sub-committee hrang hrang siam bakah A AW B (Orthography) siam rem chungchangte pawh an sawi ho bawk a. A AW B siam rem tih hian hawrawp pakhat ‘NG’ awmna hmun chu tihdanglam nisela ‘N’ leh ‘O’ inkarah dah nise a ṭha ang ngem an ti a, tunah chuan thuthlukna la siam mai loin mipuiah sawizauna neih hmasak ni phawt sela an ti a ni. Hetianga hawrawp pakhat awmna hmun sawn chungchanga rawtna a rawn chhuah chhan nia lang chu tunlai huna thuziahna atana kan hmanrua ber Computer (a bik takin hnathawhna atana kan hman tam ber Excel-ahte) hian Alphabetical order anga han dah (Alphabeticalise) hian ‘N’ hnungah zel...

Mahmuaka Chhakchhuak Nov. 20, 2023   Kumdangah pawh Baptist Church of Mizoram chuan an lehkhabu zawrhte man tlawm zawka zawrh chhuahna hun an lo siam tawh thin a, kuminah pawh Nov. 13 – 17, 2023 chhung khan siam lehin a duh apiangte tana lei theih turin tlawm tak takin an pho chhuak a, an zar zo berte zingah ka tan ka ring hial a ni. Hetianga lehkhabu man tlawm tak taka pho chhuah hi thil harsa tak niin ka hria a, BCM kohhranin an buatsaih hi a lawmawm hle a ni. A thente chu 80% te hial tihtlawm a niin a zavaiin a tlawm thei ang bera zawrhchhuah a nih avangin a leitu tan a manhla thin viau a. Kumina hetianga an phochhuah leh tumah pawh hian kal ngei ka tum a, amaherawhchu a hun tak hi ka lo theihnghilh tlat mai a, a ni khatna chu ka kal loh phah ta a. A ni hnihnaah chuan ka hriat veleh kal nghalin ka hnaih ber Bazar Baptist Bookroom chu ka pan a, ka han enkual thuak thuak a, ka duh ang lehkhabu ka hmuh loh avangin a hmunpui ber zawk Serkawn lamah ka tlan chho leh ta a. Serk...

Mahmuaka Chhakchhuak Nov. 10, 2023   Thlawhnaa ka vawikhat chuannaah khan ka zam nghal deuh mai a, a chhan pawh thlawhna chu changkang riaua ka hriat vang a ni. A kawngkhar ka han lut chiahte, a thutna hmuna ka han thute leh thlawhna chhung hrim hrim chu changkang riauin ka hria a, chutiang changkang takah chuan kei ve mai mai ka han chuang chu ka intithei ru hle bawk a ni. Lengpui atangin Delhi kan pan kha a ni a, a tukverh atanga lei lam kan han thlir thlate kha hmuhnawm ka tiin engkim mai chu ka tana thil thar vek a nih avang chuan keimah hian ka nui ka nui mai a, changkang ta deuh riaua inhriatna ka nei a. Delhi khawpuia Five Star Hotel, Le-Meridien-a hun han hmante ngei pawh chu kei atan chuan intihtheihna tham a ni bawk. Chutiang hmanraw changkang chu ka vawikhat tawnna a nih avangin vawiin thleng hian khatih laia ka rilrua thil awmte kha ka la theihnghilh thei reng reng lo a, tun hnu hi chuan ka zak ru deuh a, a sawi phei chu ka sawi ri ngam tawh lo hrim hrim. Nimahs...

Mahmuaka Chhakchhuak Oct. 22, 2023   Zai hi Mizo chauhin kan lo uar lo a, hnam dang te pawh hian an lo uar nasa mai. Indian hnam hrang hrang zingah pawh hian zai uar tak tak sawi tur an awm a, Vai hnar ngul sang kan tihte ngei pawh hian zai chu an lo uar viau mai. Zai hi tangkaina tak pawh alo awm a, tangkaina a awm dan hi chi hrang hranga sawi theih a ni bawk awm e. Hostel-a kan awmlai hian zing tak takah hian devotion neiin kan zai thin a, theihtawp tawpa kan zaina chuan hrawk alo tih thliang that duh mai bakah nun alo ti harh tha duh hle mai tih pawh ka hriat phah a. Chumai bakah chuan a zaiate inpumkhatna a thlen phah lehzual bawk a ni. Mizo pi leh pute hunlai pawh khan zai hi an lo uar thin hle mai tih an thawnthu chi hrang hrang atangin kan hre thei a, zai dan chi hrang hrang a awm mai bakah hunbik nei te leh a bik chauhina sak chi te pawh alo awm hrang theuh bawk a. Kum 1600 hmalamah pawh khan zai leh lam hi kan lo ching tawh ni awm tak a ni. Mizo zinga hla phuah thi...

Mahmuaka Chhakchhuak Sept. 27, 2023   Chhura, Chhurbura hi a awm tak tak em, tu emaw thawnthu sawi thiam deuhin a sawi a, thil awm tak tak anga ngaih a ni mai zawk em nge amah hi a awm tak tak ni ang. Awm tak tak nisela khawi lam atanga rawn chawr chhuak nge, khawi hmunah nge a hun hnuhnung lam a hman tih zawhna tam takte hi Chhurbura chanchin sawi dawn chuan zawhna awm ngei ngei tur nia lang chu a ni. Chhurbura chanchin hi kan hriat chian lehzual theihna atan a chunga zawhna awmte hi han chhang hmasa phawt ila a tha ang e. Chhurbura hi a awm tak tak ang tih hi a rin ngam a, an chhungkaw chanchin hi chiang taka sawi theih ni chiah lo mahsela a thlahte hian AD 1700 velah khan Hmar lama lut phei tawh anga sawi a ni. Tin, a fanu Lawileri chu Zahmuaka nupui atan Luseihoin an neihsak a, a fapa Lawia pawh Lawitlangah te a awm tawh a, Lawia nau Lalmichhinga thlah Khawlhringho te pawhin khua leh tlang an nei tih thu Mizo thlahtu lam chanchinah hriat a ni. (1) Chhura fate Lawitlang...