MAHMUAKA KUT HNU

Mahmuaka Chhakchhuak Sept. 26, 2021   Tiau Track hla sak ‘Het Shalla’ kha vawi tam ka thlir tawh a, vawiin thleng hian ka mit an la ti tlai reng tho mai. Mipa pahnihte zei hawh hawh dante khan min ti nui leh fo thin bawk a, lawm an hlawh hle a ni. An hla sak erawh chuti takin lung ti lengtu a ni lem lo a, an music video thlir paha lo phun pui ve atan erawh a rem ngang thung. Mitthlaa an lam lai hmuh loh phei chuan chuti taka sak pui hluah chi a ni chiah pawhin ka hre lem lo a, zan khaw tairekah pawh lung ti lengtu tak chi a nih chiah bawk lem lo. Chutih chung si chuan mahnia awm pawhin ‘Het shalla’ tih fo mai a awl phian mai a, hla zangkhai tak leh ho ang reng tak a ni chungin pawnlang taka thinlung a hneh dan erawh sawi thiam har tak a nih si hi. Tuirial Bialtu MLA chu vanduai thlak taka Aug. 17, 2021 nia alo boral avangin a hmun ruak hnawhkhah leh a ngai lo thei lo a, chumi avang chuan Election lam pawhin Aug. 18, 2021 ah Tuirial bial chu bial ruakah a puang nghal bawk a,...

Mahmuaka Chhakchhuak Sept. 24, 2021   Sap ngaihsanna rauin mizote hi min chiah hneh ber mai awm mange tih turin engkima engkimah an tihdan kan la a, Sakhaw rawngbawlna hmunah leh zu inna hmunah thlengin kan ze pangngai aiin sap tihdan chu mawi zawk leh changkang zawka kan hriat tlat avangin entawn chungin kan zir a, kan hming sakah te hial sap hming chu mawi bik leh changkang bikin kan hre ta zel a nih hi. Sakhuana vanga sap hming pute erawh hi chu keini lo sawi phak ziazang a ni lo ang a, chuti lam pawh ni lemlo a mahni duh dan dana sap hming lo put ve ngawt hi chu a zia lo lam deuh chu a ni. Mizote leh Sap kan intawnna hmasa ber hi kum 1871 Jan 27-a Sailam lal, Bengkhuaia hote’n Cachar-a Alexanderpore thingpui huan an zuk beih atang khan a ni awm e. Thingpui huan enkawltu Dr. Winchester leh a hnathawktu mi engemawzat an thah bakah a fanu kum nga mi lek, Mary Winchester chu manin an hawn sak ta daiha. Chu Sap naupang la let leh tur chuan British sipaite chu kum 1871 ah Miz...

Mahmuaka Chhakchhuak Sept. 2, 2021     Aug. 7, 2021 zan dar 8-a CYMA OB te thutkhawm hmanhmawh nei chuan Assam sorkar ruahman anga Mizoram House, Silchar, Assam-a Mizo motor tunhnaia ramri buai vanga tangkhangte Mizoram panpui mekte, Lailapur, Assam-a Police-te venhimna hnuaia an awm lai, Lailapur mipui te’n an lo dang buai leh motor thenkhat khawih a ni hi hriatthiam har an tiin CYMA chuan a dem takzet a ni tiin thuchhuah an siam a. Hetiang deuh bawk hian CYMA hian Dec. 4, 2020 khan lui dung kan humhalh mek laiin, tunhnaia khawih an ni chu a dem takzet thu thuchhuah hmangin an lo sawi tawh bawk a. Kum 2014 ah pawh khan CYMA hian NLFT hel nia hriat te’n khawthlang lam Rajiv Nagar leh New Kawnpui inkara hnamdang sumdawng mi 2 an rukbo chungchangah pawh an dem takzet a nih hi an lo sawi tawh bawkin kum 2020 ah ngei pawh khan Assam Riffle mi leh sa thenkhatin Vairengte check gate an paltlang luih chungchangah demna thu an lo chhuah tawh bawk a. Demna thu chhuah hi kan t...

Mahmuaka Chhakchhuak Sept. 20, 2021   Sept. 20, 2021 ni khan BAPTIST COVID CARE CENTRE, SERKAWN tlawhin a hmun ngeiah ka han belchiang a, Baptist Kohhran hnathawh ropui leh chhuanawm tak tak ka hmuhin lawmawm ka ti hle a ni.   CoviD hripuiin Zoram mai bakah khawvel nunphung buai vek khawpin min chenchilh a, tumah thliar bik pawh nei chuang loin min hrut rual vek mai bawk a nih hi. Damlo enkawltute ngei ngei pawh zuah bik loin a luhchilh ve tho a, kum upa lam lah a kalkan bik chuang hek lo. Sept. 19, 2021 (Pathianni) report naa kan hmuh danin Mizoram chuan nikhata CoviD hri kai hmuh chhuah thar tam lamah ni 27 chhung a zawnin hmarchhak State 8 zinga a sang ber nihna kan hauh a, hri kai hmuhchhuah zinga 58.23% chu Mizorama hmuhchhuah a ni. Hetiang hian Mizoram chu min luhchilh hneh ta hle mai a, April thla atang phei kha chuan thla khatah sang chuang hlir kai thar hi hmuhchhuah ala niin July thla atang phei kha chuan sing kan kai chho ta hial reng a nih hi. Sept. 20 th...

Mahmuaka Chhakchhuak Sept. 19, 2021 Kan Zoram Politics hi phak ang tawka lo thlir ve hian kum tam tak kal tawh atang khan naupang chhia ang maia kal chang hi kan nei fo tawh thinin a hriat a, tun hunah ngei pawh kan la fel fai tak tak thei chuang hek lo. Ruahmanna fel leh tha takte chu kan han nei ve thin tak nain a hlawhtlinna tak erawh hmuh tur a awm ngai chuang lem hlei lo a, hei vang hian ram leh hnam hruai tura penchhuak, kan Politicianahte rinna nghah har kan tih phah a nih tak zel hi. Hei hi vawiin tlengin ala dik a, kristian ram kan nihna ang ngeiin Politics platform-ah ngeite hian engtikah tak harhtharna thleng ang i maw le? Nimahsela hetiang avangte hian kan beidawng tur a ni hauh chuang lo a, nasa lehzual zawka ram leh hnam veina kawngah pawh kan thanharh zel a pawimawh zawk a ni. Kan ram hruaitu lo ni tawhte kha an demawm a ni hauh lo a, an hunlaia harsatna an tawh zawng zawng lah kan hre ve hek lo. Kawng tam takah phei chuan tunlai mite aia fakawmna leh chawimawi tlak ...

Mahmuaka Chhakchhuak Sept. 12, 2021   July thlaah khan ni khat chu sarang chhunga hmarcha tiak engemawzat hi dahin phun tumin Chemkawm nen ka chhuak a, Task Force duty-te chuan min lo dangin ka kal tumna hmun leh a chhante min zawt a, kei chuan hmarcha ṭiak phun tur ka nih thu leh hmarcha tiak pawh ka keng nghal thu ka sawi bawk a, nimahsela rem min tih sak loh avangin min let tir leh ta. Ka hmarcha ṭiakte pawh chu paih ngawt ai chuan tiin a rem remah ka phun ta mai zawk a. Ka rilruah chuan hmarcha ṭiakte lah ka pawt vek tawh bawk si a, ka dil luih ngial pawha an remti miau si loh avang chuan anmahni, Task Force duty-te hel zawngin kal lui mai dawn em ni aw ka ti hman hial a, nimahsela thuawih taka let leh mai chu tha zawkin ka hria a, ka let leh ta mai a. Ka rilruah chuan min ringngam sela chuan keipawhin hmarcha ka phun zawhah chuan ka let leh mai dawn chauh a ni si a, thildang engmah tih tur ka neih bawk chuang si lo a, min rinngam loh vang zawk em ni ang aw ka ti a. Kei...

Mahmuaka Chhakchhuak Sept. 14, 2021   Khawvela chhiatna thleng thinte hi sawi lawk theih a awm laiin sawi lawk theih loh thil thleng hi a awm ve thin bawk a, chutiang zingah chuan kan ram ngei pawhin chhiatna chi hrang hrang kan tawk mawlh mawlh mai a ni a, heng avangte hian mi tam takte chuan Pathian hremna a ni ti pawlte pawh an lo awm a ni awm e. A ni e, a ni lo e tih ngawt theih pawh a ni kher lo ang a, engpawh lo nisela mihring lamin heng harsatnate hi kan paltlang a ngai ve bawkin heng ata hi kan nun khawchhuah theihna tana kan sualchhuah ve a ngai thin bawk a ni. Chumi atana pawimawh ber chu Pathiana rinna kan neih hi a ni. He thu hi Zoram, kristian ramah hian sawi ngai lo tur ni awm taka lang a nih laiin sawi ngei ngei tur thil pawimawh tak a ni bawk si a. Kum 2020 March chawhnu lam atangin CoviD hripui leng vangin mipui nunphung a buaiin sorkar ngei pawhin ralkhel dar a khawngri tan a nih kha. Vawiin thlengin kan nunphung ala buai chho zel a, engtikah nge a kian ang ...

Mahmuaka Chhakchhuak  13/09/2017 PATHIAN LEHKHABU THIANGHLIM tia kan neih, kan Bible hi BIBLE SOCIETY OF INDIA buatsaih niin man tlawm te tein keinin kan lo nei thei a, a lawmawm takzet a ni. He kan Bible hi kan lo belchiang ngai lo maithei a, a phek hmasa lamah hian 'THE HOLY BIBLE Mizo (Lushai) - O.V......' tih ziak i hmu anga, kum pawh a lang ang. Heta O.V tih hi ṭhenkhatah chuan 'C.L' tih te, 'O.V - Reference / Re - edited' tih tein inziak a awm bawk ang. Kum tarlan hi chu an chhuah kum tihna a ni. O.V tih hi 'Old Version' tihna a ni a, a awmzia chu he Bible letling tute hian innghahna ber atan Mizo Bible a bu puma kan neih hmasak ber, kum 1957 kuma kan neih kha ringin, thumal hriatthiam awlsam zawka dah zelin leh ṭawngkam ti danglam (ti tunlai a ni ber zawk ang chu) hlek hlekin an buataih a, chumi bakah chuan English Bible en a lo ngaih bawk avangin uluk taka thlangin, Revised Standard Version (RSV) an hmang a, Hebrai leh Greek Bible te hi chu loh t...

Mahmuaka Chhakchhuak Sept. 7, 2021     September 1, 2021 niah khan Lunglei Road Protection Squad te chuan khawpui chhung kawngpui dungah kalin kawngpui nek chep zawnga insakna bungrua leh bungraw hrang hrang dah leh lirthei chhia dahte an endik tawhin Sept. 6, 2021 khan hetiang bawk hian endikna neih leh a ni bawk a, hei hian rah duhawm tak a chhuah ngei pawh beisei a ni. Heng an endiknaah hian kawngpui tana hnawk tura bungrua leh lirthei dahtute hnenah chuan dah sawn turin an hriattir a, hun biktuk awmin hriattirna pek a ni a, reiloteah khawpui chhung kawngpuite pawh a nih dan tur anga nuam tak leh zau taka mipui tan a awm ngei pawh a rinawm. Aizawl khawpuiah chiang takin kan hre tawh a, sorkar lamin thupek khauh tak siam mahsela vawiin thlengin Aizawl khawpui chhung kawngpuiahte chuan chhun leh zanah lirthei hnawk takin ala awm reng tho a, mipui tana hnawkin ala awm reng tho a ni. Sorkar tan pawha hmalak harsa khawpin lirthei neitute hi an tam tawh si a, vawiinah chuan...

Mahmuaka Chhakchhuak Sept. 14, 2021     Statistical Handbook Mizoram 2020-in a tarlan danin kum 2019-20 ah khan Mizoramah Mobile Phone Subscribers 1,261,280 awmin kum hmasa 2018-19-a Subscribers 1,135,632 aiin 125,648 in kan tam zawk a. Hetih lai hian 2011 census a tarlan danin Mizoramah hian mihring 1,097,206 kan cheng bawk a. Heti a nih chuan Kum 2011-a mihring zat aiin 2019-20-a Mizorama Mobile Phone nei hi 164,074 in kan tam zawk tihna a ni. Hetianga (Mobile Phone) Smart Phone nei kan tam chuan thlakipa kan Mobile Phone bill tam tur zia hi han chhut ila digit riat a tling phak ngei a rinawm. Hmasawnna kawng khat a nih hrim hrim avang hian heti taka zofate zinga Mobile connection nei kan tam hi a lawmawmah ngai ila.         Amaherawhchu hetianga zoram chhunga Mobile Phone (Smart Phone) nei kan thathnem viau lai hian a neitu zawkte hi ngaihtuah kan ngai zawk awm mai mange a tih theih. A chhan chu khawvel changkannain a ken tel thil pawima...

Mahmuaka Chhakchhuak Sept 4, 2021     Pawl (Organization) a kan awm chuan pawl kalphung leh duhdan chu kan zahin kan dah pawimawh tur chu a ni nameuh mai. Chutih rualin chu pawl chuan kan chhia leh ṭha hriatna a chhilhbo tur erawh a ni hauh lo a, a chhilhbo a, phumbo a nih vaih chuan nakin hnua kan la inchhir lehna tur a ni palh thei. Kan rama Politician kan neih tam tam zingah hian chutianga pawl kalphung pel emaw kalh zawnga kal hi sawi tur an la awm meuh loin a hriat a, an zavai emaw tih mai tur hian pawl thlekna lam lamah an thle dual dual a ni ber awm e. Chu chuan lungrualna kawngah erawh chuan thiltha a thlen ngei ang a, thawhhona pawh a siamtha zawk mai thei e. Amaherawhchu hetiang hi hnam ropui zawkahte chuan an kalphung alo ni vek bik lo a, an duh lohna leh diklo an tihnaah chuan an chhia leh tha hriatna thiang tak hmangin vote pawh an thlakin an thlak lo mai. Feb. 9, 2021 nia Donald Trump impeachment vawi hnihnaah khan a awmna Party, Republican atang khan S...