MAHMUAKA KUT HNU

Mahmuaka Chhakchhuak March 1, 2023   Khawvel Indopui Pahnihna (1939-1945) thleng khan Mizoram (Lushai Hills) ah Political Party a la awm ngai lo a. Kum 1943 July atanga 1947 May thlenga Bawrhsap, Superintendent chu ARH Macdonald a ni a, Macdonald Sap hma chiaha Bawrhsap chu AG McCall (1931-1943) a ni. Chutih lai chuan Mizoram hi Sub-Division hnihah thenin Hmar lam chu North Lushai Hills tih a niin Aizawl chu hmunpui atan hman a ni a, chutiang bawkin Chhim lam chu South Lushai Hills tih a ni bawkin Lunglei chu hmunpui atan hman leh bawk a. Sub-Division hi Circle-a la thensawm leh a ni bawk a; North Lushai Hills chu Circle 10 a then a ni a, South Lushai Hills pawh Circle 7 ah thendarh an ni. Heng enkawl tur hian Circle tinah Circle Interpreter (C.I) pakhat zel dah a ni leh a. Kum 1935 lam atanga Chhim bial Lalho te’n Conference an lo neih thin tawh ang chuan Bawrhsap Mc Call-a hovin Hmar bial lamah pawh an nei ve ta a. Ram hmasawnna leh mipuite thawvenna kawng nia an hriat te a...

Mahmuaka Chhakchhuak March 19, 2023   Pipu sulhnu emaw Mizo thawnthua hmun hmingthang tak takte emaw Kumpinu hunlaia an hmun pawimawh thenkhat leh anmahni hming chawina hmunte i fang a, a hmun ngeia i tlawh duh a nih chuan Lunglei lama kal turin han inbuatsaih la i inchhir hauhin a rinawm loh. India ram pawn atangin emaw Delhi atang pawhin emaw Khawbung lam atang pawha rawn kal ni la Lungleiah hian Hotel thlenna tur nuam tak tak a awm a, Lunglei atangin heti hian a tahtawl zelin hmun kan fang thin dawn nia. LUNG MILEM; Lung milem hi Mualcheng South ram chhunga awm a niin, Lunglei atanga 40 Kms vel leka awm a ni. Lunglei atangin Hrangchalkawn lamah kan kal ang a, Lawngtlai lam kawng zawhin Tawipui atangin khawthlang lamah Mualcheng S peng hi a awmin a hmun thleng hian darkar hnih emaw lek kal a ni. Lung milem hi tlang dung rualrem chin leh awihpang inrina laia Lungpui tohlawt pang, lei atanga 6fts vela sanga kher a ni. Mipa leh hmeichhia thudun inkarah naupang pakhat ding l...

Mahmuaka Chhakchhuak March 15, 2023   Mizo upate chuan zing khawvar hmaah hian thim chhah tak a thleng thin an ti mathlawn lo a. Zan khua alo thim a, zanlai velah hian Ar a rawn khuang chuah chuah a, vawi li, vawi nga vel theuh an khuan hnuah chuan thawm a reh leh vang vang a. Chutianga Ar khuang chu ‘Zanlai Ar khuang’ tiin an sawi thin. Zing khawvar dawn lam hnaiah Ar chu an rawn khuang leh chuah chuah a, ‘Khuan hmasa’ tiin kan pi leh pute chuan an sawi leh a. Chutih hunah chuan khua a rawn thim zual sauh a, a vawt deuh hlek bawk thin tiin an sawi a. Chumi hnu lawkah chuan Ar chhiar atangin Ar khuang ri a rawn chhuak leh chuah chuah a, chumi hunah chuan Ar khuang ri chu hmun tinah a ri a chawl meuh tawh lo a, Van lamah Arsi pawh a lo khat pharh tawhin Chhimbuk leh sava dangte pawh chu an riahna hmun atangin thawm an rawn chhuah veleh tan tawh bawkin sava hram ri nak nak a rawn awm e. Reilote, hmuamda emaw lekah chuan Khawfing a rawn chatin khawchhak lam atangin ni eng a rawn...

Mahmuaka Chhakchhuak March 17, 2023     Mahatma Gandhi khan India thara awm lo sela a duh ngawih ngawih vantlang sualna chi sarihte kha a sawi hunlai chu lo rei tawh mahsela tun hun atan pawh hian ala pawimawh reng tho avangin han sawi thar leh teh ang.   INNGHAHNA NEI LO POLITICS (Politics without Principle): Politics chu kan hria a, Greek tawnga ‘Politikos’ tihn atanga Politics tih hi rawn kal a ni a, chu chu Latin chuan ‘Politicus’ tih a niin a awmzia chu mimal emaw pawl emaw khua leh tui thatna tura kaihhruaina leh dik taka an chanvo theuh an chan theihna tura rorelna dik kenkawh, dan leh thupek, hnam leh chi leh chi inkara inunauna tha thlen tura thawh leh hnamzia rang humhalh leh ramri kham fel leh mipui vantlang thatna tura kawng tinrenga thawhte a ni. Kum 1749 atangin Politics tih tawngkam hi hman tana hriat a niin Mizo zingah chuan kum 1922 atangin kan hmang tana ngaih a ni. Mizo zinga Politics lungphum phumtu Telela khan kum 1922 July thlaah Bawrhsap l...

Mahmuaka Chhakchhuak March 16, 2023   Leitlangpui a chul dawn lo, Vanglaini a chul si thin, ti raw Mami? Chul thei lo kan chhim khawpui, Lungrual ten zalam pheiah, Leng dial dialin lungrualten, Leitlangpui kan vanglaini.   Leitlangpui a chul dawn lo, Vanglaini a chul si thin, ti rawh Mami? Chul thei lo kan chhim khawpui, Lungrual ten zalam pheiah, Leng dial dialin lungrualten, Leitlangpui kan vanglaini.   Rial tui ang a dai rual loh, Par ang vula kan lenna; Sakhmingah damlai pialral, Tleitir leng te chhing awm maw, Vangkhaw dang chu zawt velin, Leitlangpui kan vanglaini.   Leitlangpui a chul dawn lo, I mawi chuang e kan lenna ti raw Mami? Perhkhuang tingtang rimawi nen, Zaitin thiamte lenrual nen,   Awihlai par ang vul zel rawh, Leitlangpui kan vanglaini.   Leitlangpui a chul dawn lo, Siktui dawna lungrual ten, ti raw Mami? Tlangtin, mualtin kan lenna Tangnem chula kan hlim lai, Par ang c...

Mahmuaka Chhakchhuak Feb. 28, 2023   Kumpinu sorkar chak tak chuan sipai chakna leh hmanraw tha zawk an neih avang chuan Mizoram chu hneh takin an awp ta a, anmahni do daltu apiangte chu paih kiang hmiah hmiah zelin kum 1890 atang phei chuan hneh takin min awp ta a ni. Hetih hunah hian Mizote chuan Lal 70 vel kan neia hriat a ni a, Mizo Lal zingah Kumpinu sorkar laka nunna hlu tak hlantute engzatnge awm tih chiang taka hriat theih ni chiah lo mahsela kan hriat theih chin chu hengte hi an ni a; Lalsuthlaha, a ni hi kum 1844 vela boral nia hriat a niin Kumpinu kut tuara Mizo Lal zinga nunna chan hmasa ber a ni. Kalkhama, Sentlang lal pawh hi Sept. 1, 1891 chawhnu dar 1;40 ah chuan Hazaribagh Jail-ah a boral a, Kalkhama nau chiah Lianphunga, Lungtian lal pawh a u boral rual hi Hazaribagh Jail-ah bawk a boral a ni. Chawngtlai lal Nikuala pawh kha a tlawm duh loh avangin man a ni a, a ni pawh hi Tan In hrang hranga dah kual a niin a boral hun tak hi hriat chian theih a ni lo. Miz...

Mahmuaka Chhakchhuak March 13, 2023   Lunglei Municipal Council hmasa ber atana Coucillor thlanna chu March 29, 2023 tih a niin rokhawlhna dang a awm loh chuan tluang takin kan nei thei turah ngai ila. Thla khat chhung pawh campaign na hun a awm lo chu Party tinin an chhiatpui theih laiin mipui lam tan chuan a pawi lo viau thei thung. A chhan chu Mizote hian hetiang Inthlan boruak hi kan zo tak tak ngai lo a, mi fel tak tak kara mi fel lo tlemte awmte thawm hi a ring hma bikin kan inpuhchhiatna leh kan inbeihna thawm hi a ring hma bawk si avang hian campaign na hun rei lo hi a pawi lo viau mai thei e. Amaherawhchu Lunglei mipuiin Municipal hi kan la hmachhawn ngai loh avang erawh chuan Inthlanpui (MLA thlan) nena thuhmuna ngaih theih chiah si loh leh VC thlanna nena danglam deuh bawk si a nih avang hian veikhawr deuh tutin kan hmachhawn dawn a ni. Inthlanpuiah chuan a Area alo zau hlekin Party inbeihna pawh a lian a, Municipal-ah thung chuan a Area alo zim deuh hlek avangin...