MAHMUAKA KUT HNU

Mahmuaka Chhakchhuak March 31, 2024 February 19 a\anga March 13, 2024 thleng awhin 9 th Legislative Assembly of Mizoram Budget Session hmasa ber chu neih a niin harsatna lian leh buaina hran awm loa tluang taka neih zawh a ni. He Session hi \um dang zawng aiin ngaihven a hlawhin a hriat a, a chhan pawh Zoram People’s Movement (ZPM) Party-in sorkarna an chan hnua Budget Session neih hmasak berna tur a niin inti fing deuhte chuan ‘ZPM sorkar hi an Budget pharh a\angin an bul \an dan tur kan hre dawn alawm’ an tih hun a nih ve bawk a, a vengva chin chauh pawh niloin mipui nawlpui tan pawh thil nghahhlelhawm tak a ni bawk awm e. A ni hmasa berah Larsap Hari Babu Kambhamphati chuan thusawiin, Mizoramah hian sum leh paia indaihlohna a nasa hle a, intodelhna turin hmasawnna ruhrel pawimawh tak tak dinte, Agriculture leh Industry-a hmasawnna nasa zawk thlen te, \halaite thiamthil tihhmasawn kawngahte, an tan mahni kutkawiha eizawnna leh sports lama hmasawnna kawng zau zawk hawnsakte ...

Mahmuaka Chhakchhuak March 2, 2024   Leilung chanchina hun hrang hrang leh chung huna thil thleng pawimawh tak takte sawina atan chuan historical period tiin then a ni a, khawvela cheng mihringte hmasawnna pawh fiah leh chiang takin hetiang hian kan hre thei ang: Stone Age; Mihring nunphung hriat hmasak ber niin Lunghrim hman hunlai sawina atan hman a ni. He hun hi hun thumah then a ni lehin: Paleolithic (Old Stone Age), Mesolithic (Middle Stone Age) leh Neolithic (New Stone Age) tihtea then leh a ni a. Paleolithic hun hi kum maktaduai 2.5 vel kalta atanga intan niin BCE 10,000 vel thleng a awh a, hetih hunlai hian mihring hmasate chu ramsa mantu- gatherer tih an ni. Lung chu tangkai takin hmanraw chi hrang hranga hman a ni thin.   Mesolithic (Middle Stone Age) hun erawh chu BCE 10,000 vel atanga BCE 5,000 vel huamin hetih hunlai hian hmanraw siam danah hmasawnna nasa tak awmin mihringte chuan ramsa man leh ei tur khawlkhawm dante an lo thiam chho zel bawk a.  ...

Mahmuaka Chhakchhuak   Thawhlehna awmzia; Thawhlehna awmzia chu ‘Thihna ata thawhna’ emaw ‘Nunnaa kir leh’ tihte a ni. Thawhlehna hi Kristiante innghahna dik leh Lal Isua, thihna ata a tho leh a, a rawn kal ngei dawn a ni tih thurin pawimawh tak a ni. Amah Lal Isua ngei pawh mitthi zing ata a thawhlehna chuan Pathian Fapa a ni tih nasa takin a lantir a ni (Rom.1;4). Tichuan a tho leh a, Pathian kut dinglama a \hut ngei thu pawh Pathian thuin min hrilh a. Chutichuan ringtu thi tawhte pawh amah ang chuan ala rawn kai tho leh ngei dawn a ni.                                  Thuthlung Hlui hunah khan chiang takin thawhlehna a awm tawh thu a lang lo a, mahse Pathian inlarna awm thu erawh chu chiang takin kan hmu thung (Exo. 3;6, Mat.22;29-32). Tin, hmundangah te pawh thawhlehna awm tur thu kan hmu bawk a ni; - Gen.22, Heb.11;19, Job.19;25, Thuf.16;10, Isai.26;19, Dan.12;2, Hos. 13; 14, etc. La...

Mahmuaka Chhakchhuak March 17, 2024     Isua neih ka duh zawk tih hla hi vawiin thleng pawha hla sak lar a niin a hla thute hian thinlung a hneh a, hla dang zawng aiin sak pawh a nuam bik em ni tih tur a ni hial awm e. Rhea F. Miller-i chuan kum 1922 khan ‘I’d Rather Have Jesus’ tih ringawta ziak hian khawvel thil neih leh duhthusam aiin Isua dah pawimawh zawk a duh thu a sawi a. Chu thu tawite chu Pastor fapa George Beverly Shea chuan a piano tum thin hla dahna hmunah chuan ziakin a nu hian alo dah a, chu a hlachham thu tawi dah hun chu Inrinni zan hi a ni nghe nghe. Pathianni zingah chuan George-a chuan piano tum tura a han thut chiah chuan chu thu tawite chu hmuin a rilru a khawih nghal em em mai a, chawplehchilh tak chuan piano hmet chungin chu hla chu a phuah belh zel a, “Isua neih ka duh zawk, Rohlu ber aiin, A ta nih ka duh, lei sum zawng neih aiin, Isua neih ka duh zawk, ram leh in aiin, A kut thirkhen mi hruaina ka thlang zawk e” tihte chuan a thinlungah a chhun...

Mahmuaka Chhakchhuak March 22, 2024   Zan lungngaihthlak, Zion pindan chhungah, Ka Lalpa’n a thisen a semin, Chuti-anga lungngaih chhumpui zing chuan, Ka Lal thlaphangin a lo rumtir   Aw, nangni Jerusalem te u, A khawngaih in chan kha hria ula, In nat tinreng a tihdamsak che u A lungngaihna haider lul suh u Tia Patea’n (1894 – 1950) hla alo phuah hi a thuk ngawt mai. Zion pindan chhungah a han ti hi hrilhfiah hmasak loh chuan mi nazawng hriatthiam theih pawh niin a hriat loh laiin chutia han hrilhfiah hleihtheih a nih lohna lai a awm tlat si a. Patea hian engtiang taka helai boruak hi hmu fiah a, hrefiah nge a ni tih hi keini hriat phak rual lah a ni bawk si lo. Mizo Kristian thinlungah erawh chuan sawifiah nawn ngai lo turin a fiah deuh riau bawk nen hian tisa thinlung chu hrefiah kil kel lo mahsela thlarau mitin a fiah e tih mai a ngai zawkin a lang. Lal Isua khan Lungngaih hapta chhunga a hun hman dan kha dik takin hre vek thei tawh lo mah ila h...

Mahmuaka Chhakchhuak Jan. 18, 2024                                                      Kalvari tlang tih hi chuan kan thinlungah hian a fiah em em nghal mai a, hei hi a chhan ni bera hriatah chuan Pathian fakna hla kan neih tam takahte hian ‘Kalvari tlang’ tih hi a lan tam vang a ni mai thei e. “Aw ka thlarau chu tlangah chuan chhun zanin va leng fo la, i Lalpa kraws lera awm chu nungin i va hmu ang, Kalvari tlang chanchin a lo hrilh ang che”, “Thumak ka sawi nin theih loh chu Kalvari chanchin a ni, engtin nge Pathian fa mal chu misual ka tan a lo thih”, “Sawi nawn leh rawh, min hrilh leh rawh, Isua’n ka tan a tuarna kha!” tihte hian kan thinlungah hmun a chang thuk em em hlawm. Kalvaria hmangaih lo lang kha tihte Kalvaria hnehna ropui chu tihte leh Aw Kalvari thing chungah chuan ka hreng ropui a au ti leh Kalvari tlang ka hahdamna tih hlate p...

Mahmuaka Chhakchhuak Feb 4, 2024   Khawvel ram hrang hrangte’n thil inthlakthleng avanga hmasawnna an neih dante hi a ngaihnawm a, sawi leh ngaihthlak pawh a nuam thin. Thil inthlakthleng avanga hmasawnna hi thleng a ni e pawh ti ila a dikna chen a awm thei ang. Chu thil inthlakthleng tur erawh chuan harsatna leh buaina a thlen phawtte a ngaih chang a awm bawk thin a, buaina chuan a chhe lam ngawr ngawr hnutchhiah bik chuang loin rah tha a chhuah ve fo thin. Kan sawi lan tawh angin America ramte, Germany ramte leh Japan ramte ngei pawh khan harsatna nasa tak an tawkin khuarkhurum thuk takah an lo tang tawh a. Nimahsela chu chuan rah tha tak a chhuah zawkin tunah chuan ram hmasawn ber ber an lo ni ta. Harsatna chuan an mit a tihvar phah a, ngaihtuahna fim an hman phahin kawng thar zawh tur an lo hriat phah a, chutah chuan theihtawp chhuahin hmalam an pan a, hlawhtlinna tlang chhip an lo thleng ta thin a ni.    New Zealand ram tlukchhiatna leh an thawh lehna hi han ...