THAWHLEHNA

-

Mahmuaka Chhakchhuak

 

Thawhlehna awmzia;

Thawhlehna awmzia chu ‘Thihna ata thawhna’ emaw ‘Nunnaa kir leh’ tihte a ni. Thawhlehna hi Kristiante innghahna dik leh Lal Isua, thihna ata a tho leh a, a rawn kal ngei dawn a ni tih thurin pawimawh tak a ni. Amah Lal Isua ngei pawh mitthi zing ata a thawhlehna chuan Pathian Fapa a ni tih nasa takin a lantir a ni (Rom.1;4). Tichuan a tho leh a, Pathian kut dinglama a \hut ngei thu pawh Pathian thuin min hrilh a. Chutichuan ringtu thi tawhte pawh amah ang chuan ala rawn kai tho leh ngei dawn a ni.                               

Thuthlung Hlui hunah khan chiang takin thawhlehna a awm tawh thu a lang lo a, mahse Pathian inlarna awm thu erawh chu chiang takin kan hmu thung (Exo. 3;6, Mat.22;29-32). Tin, hmundangah te pawh thawhlehna awm tur thu kan hmu bawk a ni; - Gen.22, Heb.11;19, Job.19;25, Thuf.16;10, Isai.26;19, Dan.12;2, Hos. 13; 14, etc.

Lal Isua hunlaiah khan Sadukai pawlte chuan thawhlehna hi a awm an ring lo a, ‘Kan thih hian tho leh tur awm loin kan taksa hi a \awihral vek dawn a ni’ an ti a ni. Bible erawh chuan Thawhlehna thu hi a uar ber thung si a.

Eng vangin nge Thawhlehna awm a \ul:

Pathianin mihring a siam khan thianghlim taka awm turin, a duhthusam ang thlapin a siam a (Gen.1;27,31). Nimahsela thlemtu thlemna an do zawh loh avang chuan sualah tluin Pathian chenchilhna ata chu an lo talchhuak a, ‘Mi bo, Pathian lak ata mihrang’ an lo ni ta a ni (Gen.3;1-4,9, Thuh.7;29). ‘Pathian fa’ nihna ata an lo bo avang chuan ‘Diabola fa’ tih an lo ni phah ta zawk a (Joh.8;44). Tichuan kan chungah pawh chuan thihnain thla a zar reng a, Diabola’n thu a nei tlat a ni (Heb.2;15).                            

Hmangaih Pathiana chuan a mihring siam, ama anpui ngeia a siamte chu nunna a an luh theih nan amah ngei pawh chuan a ropuina thlahlel thei loin mihring (Diabola fa) angah a lo chang ve a (Phil.2;6-8, Heb.2;15). Kan hma min rawn hruai sak a, a thi a, mitthi zing ata pawh chu thawh hmahruaitu a ni (Kol.1;18).                                            

Kan taksa, Diabola fa nihna ata Pathian fa nihna chang leh tur chuan tihdanglamna a chan a ngai a ni. (I Kor.15;53,54).  He kan taksa hi chu a kangral thei a, a \awihral thei bawk a, chu chu \awihral theiloa siam danglam a ngai a ni. Meidil-a kal tur emaw vanrama kal tur emaw pawh ni ila, kan taksa chuan tihdanglamna a mamawh a. Chutichuan taksa danglam puin kan tho leh dawn a. Chuvang chuan thawhlehna chuan chatuan hmun min thlen tawh dawn avangin a pawimawh a ni

Lal Isua Thawhlehna hmu tute leh an hmuh hun leh hmun te; 

 

  ANMAHNI                     A HMUN             A HUN                              BIBLE CHANG

 

Mari, Mari Magdalini,      Thlan               Pathianni                 Mat.28;1-10,Mk.16;1-8,Lk.

Jakoba nu & Salomi                                       zingah                                  24;1-12,Joh.20;1-9.

 

Mari Magdalini                      Thlan            Pathianni                      Mat.16;9-11,Jh.20;11-18.

                                                                     zingah

 

Petera                                        Jerusalem          Pathianni                                   Lk.24;34,I Kor.15;5

 

Khualzin                     Emau kawng                  Pathianni                                Lk.24;13-3                                                                                                     chhun

 

Zirtir sawm                         Pindan                         Pathianni                  Mk.16;14,Lk.24;36-43,                                                     chungnung                   tlai                                         Jh.20;19-25.

 

Zirtir 7                              Galili dil           Ni tlak dawn                        Jh.21;1-23.

 

Zirtir 11                             Galili            Thimhlimah                   Mt.28;16-20,Mk.16;15-18

 

Hnungzuitu 500               Galili                 Tlailam                              I Kor.15;6

 

Zirtir Jakoba                             Hriatloh                           Tlailam                              I Kor.15;7

                    

Zirtirte, hmeichhe            Olive tlang        Isua thawhleh               Lk .24;46-53,TT.1;3-14                        

hruaitu, Isua unau                                a\anga ni 40-na ah

leh midangte

 

Saula, Tarsa khua          Damuska kawng       Chhunah                 TT. 9;1-9, I Kor.15;8.

 

THAWHLEHNA HUN;

          

Thawhlehna hi \umli a awm dawn a, pakhatna chu a thleng tawh a, a dangte erawh chu ala thleng rih lo a ni. Chung Thawhlehna chi lite chu; -

 

|UMKHATNA;

Isua rualin. Mt.27;52,53, Thup.20;6.

 

Isua thlan ata a thawhleh khan mithianghlim thi tawhte tam tak a thawhpui a, chungte chu Thuthlung Hlui huna Mithianghlim thi tawhte leh Isua khawvela a lenlaini thlenga mithianghlimte thite kha an ni.

 

|UM HNIHNA;

Mithianghlim Lawr/ Krista Ni. I Thess.4;13-17, Phil.1;6-10, I Kor. 15;50- 54, Jh.5;9, 11;24,25, Rom.6;5, I Kor.15;12,13, Rom.8;11, etc.                      

 

Isua chu van ata vantirhkoh chungnungber aw nen, tawtawrawt ri nen a mithianghlimte lawr turin van chhum zing ata alo chhuk ang a, mithianghlimte thi tawh leh thi lote zawng zawng chuan boruakah Lalpa hmuak turin chhum zingah lak chhohin kan awm dawn a ni. Tichuan van boruakah ‘Beramno Nupui neihna Ruai’ kum sarih chhung kan \heh dawn ang (Thup. 19;6-10). He hun hi Ringtute nghahhlelh berte zing a mi a ni a, Jentail hnam zinga chhandam turte chu an kim hun tur a ni dawn tawh bawk a ni (Rom.11 ; 25).

 

|UM THUMNA;

Kum Sang Rorel  dawnah. Thupuan. 20;4.

          

Hei hi mithianghlim lawr leh kum sang rorel inkar a thleng tur a ni dawn a, chhandamna thu engmah a awm dawn tawh lo a, anmahni chhelna vang liau liauin an nung dawn a ni. Tichuan Lalpa hoin Mithianghlimte zawng zawng chuan kum sang ro kan rel tawh ang.

 

|UM LI NA;

Kum Sang Rorel zawhah. Thup. 20;5,13, Mt. 25;31-46.

 

Mithianghlimte’n kum sang rorel kan neih zawhah chuan thuthlung hlui hun a\anga misual thi tawhte zawng zawng thlarau chuan an mahni taksa \awihral tawhte chu a rawn luah leh \heuh ang a, tichuan lal\hutphah var hmaah an rawn tho leh hlawm dawn a ni. Hetah hian mi tamtakte chuan Lalpa an chhal dawn a, mahse thiamloh an chang tho ang. He hun hi rorelna hnuhnung ber tur chu a ni dawn a ni (Sam.87;6).

 

THO LEH TAKSA AWMDAN TUR ; -

 

 Is. 26;19, Dan. 12;2, Thup. 20;13, Lk. 8;54, I Kor. 15;53.

 

He kan taksa putlai hi chu diabola ta a ni a, sualpu taksa a ni. Nausen piang hlimte pawh hi ‘Sualsa apiang’an ni a (Sam.51;5). Chuvang chuan tihdanglam an ngai a. Hremhmuna kal turte pawhin na an tawrh reng theih nan tihdanglam an ngai a, chutiang bawkin Lalpa hnena kal turte pawh natnain a ngam loh turin tihdanglam an ngai a ni. Tin, thlana phum tawhte, meia kanral tawhte leh \awihral tawhte zawng zawng kha an thlarauin an taksa a rawn luah pum leh ang a, Lalpa hnenah inlan turin an kal leh vek dawn a ni. Mithianghlimte pawhin kan hmel ngai kan pu reng tawh lo ang a, hmel\ha tak vekin kan lang tawh ang. Kan hming pawh he lei a kan hming pu tawh loin ‘Isua’ tihin thlak vek a ni tawh bawk ang a, hmangaihna khawpuiah, rangkachak tuala lengin Lalpa nen kan cheng ho tawh ang a, fakna hla tawp lo in kan sa tawh ang.    

 

Comments

Post a Comment

Popular posts from this blog

CHIEF MINISTER HNENA LEHKHATHAWN

-
Mahmuaka Chhakchhuak June 15, 2025 Ka pu, chibai ka bûk a che.  Ram leh hnam hmasawnna tura ram i vei dan hi kan hre tam hauh lo nain kan hriat chinah ringawt pawh kan chhuang che a, a hun chhung sawi pawhin ram i veina chin hi a rei ta hle mai a, kum sawm li hial a tling tawh awm e. Hetiang taka ram i veina chu chunglamin a hriatpui che a nih ngei anga hei tunah chuan mawhphurhna lian tak ilo chelh ta a, i lakah beisei pawh kan nei sang hle. Khawvel ram hrang hrangte kan thlirin hruaitu pakhat avanga ramin hma a sawn theihzia kan hria a, hruaitu tha an neih avanga ramin hma a sawn dan sawi tur tam tak a awm. Singapore ram kan sawiin Lew Keun Yew hming sawi rik lohtheihloh a ni a, China sawiin Chairman Mao, Cuba sawiin Fidel Castro, chutiang zelin Bihar state hmasawnna pawh Chief Minister Nitish Kumar vang a ni tih tumahin kan hai lo ang. Kum 2005 atanga chawlh awm loa vawiin thlengin Bihar mipuiin an la mamawh a ni chek ang a, ram leh hnam tana a hnathawh avangin tum riat zet chu ...
Read more

TACHHIP ARSI ÊNG

-
Mahmuaka Chhakchhuak Oct. 26, 2025 Tachhip aṭanga Kaphleia’n eng mawi tak a rawn chhuah kan hria a, chu eng mawi tak chuan Zoram pum a enin vawiin thlengin chu eng chu kan la hmuin lawmna min rawn thlen a.   Chalchhingvunga Chhakchhuak leh Chuaizovi te fa hmingkoh Kaphleia kha kum 1910, January ni 10-ah Aizawl-Sialsuk kawnga Ṭhiak khuaah a piang a. An unau hi paruk an piang na a, pahnih erawh chu an sen laiin an boral hlauh a, dam puitling chho ta chu pali niin, Kaphleia hi mipa awmchhun a ni a, an upat dan indawtin: Kaphleia, Darringaii, Laldinthangi leh Hualziki te an ni a, tunah erawh chuan an unau zain mual an liam vek tawh a.  Kaphleia pa hi Dak la (mail runner) a ni a, Kaphleia te unau pian hma chuan Sialsuk bul Hauhuktar-ah an awm ṭhin a, heta ṭang hian Sialsuk ah chhungkuain an pem a, pa ber hna avangin Ṭhiak khuaah an pem leh a, he hmunah hian Kaphleiate unau za hi an piang vek nghe nghe. Tin, Ṭhiak aṭang hian a pa hna avang bawkin kum 1927 khan Tachhip-ah an pem...
Read more

Dr. HL. MALSAWMA NGHILHLOHNAN (A boral champha vawikhatna pualin)

-
Mahmuaka Chhakchhuak Jan. 22, 2024   Mizo zinga mi chhuanawm tak takte hi an damlaia ka hmuh hman tur reng ni si, hmuh hman loh ka nei nual a, mi hnunga kal tur hrim hrim ang maiin an boral hnuah anmahni ngaih thu hi ziah alo ngai ta zauh zauh mai. Dr. Lip kha Lunglei ka awm tak hnu hian biangbiakna hun ka zawng thin a, alo remchang lo zel a, a dam lo khan harsatna min siam a ni ber bawk a. A boral ta hlauh a, a ruang chungah mittui tlain thu ka va sawi ta hram a. L. Keivom ngei pawh a contact number te chu han nei mah ila ka be lem chuang lo a, hmaihmaa inhmuhna hun a awm remchang lo zel a, a boral hnuah a thlan chu thla ka va lakpui hram bawk a. Chutiang zelin Dr. HL. Malsawma ngei pawh a damlaiin an inahte pawh len awm tak a nih laiin ka leng chuang lo a, a boral hnuah erawh a chhungte nen inpawh takin kan awm tain a nupui nen phei chuan kan inbe chhunzawm ta fo bawk a. Nikhat phei chu nilengin a library-ah hun ka hmang a, mi chhuanawm tak a nihzia hi a boral hnuah ka hre ...
Read more