APOCRYPHA

-
THUHMAHRUAI; 

 Thuthlung Hlui leh Thuthlung Thar inkar hi kum 400 lai nia chhut a ni a, Judaten Saltanna aṭanga an lo chhuah a, Nehemia hoa Temple an din leh a chin zawlnei Malakia te thih zawh hnuah chuan zawlnei an nei leh ta lo a, zawlnei telloin an khawsa ta a, an zingah chuan Pawl hrang hrang leh ngaihdan dangte alo chhuak ta a ni. 

Greek Sorkar hnuaiah an awm a, an rethei hle a, he kum 400 chhung hian Judate chu buai reng reng leh hnehchhiahna tuar reng rengin an awm tih theih a ni. Hetih hunlai hian Judate chanchinah thilthar tam tak a awm a, Pharisai te leh Sadukai te lo chhuah hunlai ania, rorel pawl Sanhedrin an dinchhuahna te, Puithiam lal chi ni ngailo te Puithiama an ṭan tak thu te, Rom sorkarin an chunga thu an neih tak dan te, Heroda te chhung, Edom mi, Judate Lala an tan tak dan te chu he hunchhunga lo awm vek hi a ni. 

He hunchhung ah hian Judate hian chanchin an ngah hle a ni. Sakhuana lamah pawh chanchin an ngah hle mai a, sakhuana lam chanchin ziakna lehkhabu tamfe mai ziak a awm a, ṭhenkhat chu ṭha ve tak tak te, ngaihnawm tak tak te an ni a, ṭhenkhat erawhchu thawnthu mai mai angte pawh an awm a; chuvangin heng bu chungchangah hian inhnialna a tam mai a, Protestant ho chuan pathian lehkhabu ah an telh duhlo a, Roman Catholic te erawh chuan kum 1546 -ah chuan Trent Khawpuiah chuan an rel a, Bu -14 te chu Lehkhabu Thianghlim anga pawmin an Bible-ah chuan an tel ta thung a ni. 

Heng lehkhabu te hi 'Apocrypha' an ti a ni. APOCRYPHA CHU; - A hmalama kan tarlan tawh ang khan Thuthlung Hlui leh Thuthlung Thar inkara Sakhuana lam lehkhabu chu chi hrang hrang tam tak a awm a, chungte chu 'Apocrypha' tih a ni a, a hming awmzia hi 'inthup' emaw 'thukru' emaw tihna a ni. 

 Heng bute hi BC. 200 leh 70 AD inkara ziak ania, chung te chu ; Ecclesiasticus leh Maccabia 1 & 2 te hi an ni. A dang zawng ; Thuthlung Hlui bu -14 leh Thuthlung Thar bu -21 te hi chu Greek ṭawng veka ziak a ni a, heng bakah hian Thuthlung Hlui zinga chhiartel theihin bu 8 ala awm bawk a, tichuan avaiin bu 43 a ni.

 ENGVANGIN NGE PAWM A NIH LOH ; Kum 1517 kuma Martin Luthera'n Roman Catholic duhlohna piont 95 lai mai chu Wittenberg Biakin kawngkharah a tarchhuaka,chuta tang chuan Kohhran inthenna alo awm ta a, Roman Catholic leh Protestant tiin alo inṭhen ta a ni. Kristian Sakhua chu pawl hnih chuan alo awm ta a, kal danphung pawh alo danglam zel a, tunthleng hian kan la kalhrang a nih hi..! 

Tichuan, Roman Catholic chuan Apokripha chu pawm chin nei turin 1546-ah chuan Trent khuaah khawmpui neiin an ngaihtuah ta a, Thuthlung Hlui bu 15 te chu Lehkhabu thianghlim tiin an pawm ta a ni. Nimahsela, Protestant lamte chuan an pawm ve thei lo a, a chhan berah chuan 'Pathian Thawkkhum' ah an pawm loh vang a ni. 

 Hetiang hian Protestant lam chuan Bible-ah telh tlakah an ruat ta lo a, an telh theih loh chhan te chu ; -

 1. Heng bute hi pakhat mah lal Isua'n a hmang lo. 

2. Tirhkohte'n a thu hi an hmang ngai lo a, kohhran hotu hmasate pawhin an hmang ngai bawk hek lo.

 3. Hmanlai Hebrai Bible-ah alang lo. 

4. Bible-a telh anihna turin tehna tling (cannonical) hlankaina tur kailawn (transition) a awm lo a ni. 

5. Khawvel chanchin kalzel (Historical of human race) -ah lanna a awm lo a, chuvangin, a thuziakte hi phuahchawp mai mai a nih leh nih loh pawh hriatchian ani lo a, 'Artui leh hmawlhte in lawm' thawnthu ang lek ni awm pawh a awm; chuvangin ngaihsan zel tlakah ruatin an pawh thei lo a ni. 

 APOCRYPHY BU TE CHU ; 
 (A) THUTHLUNG HLUI ; (1) Esdras I (2) Esdras II (3) Tobit (4) Judith (5) Esther (6) Solomona Thufing (7) Ecclesiasticus (8) Baruka (9) Naupang thianghlim 3 - te hla (10) Sussani chanchin (11) Bel leh Dragon (12) Manasea tawngtaina (13) Jeremia lehkhathawn (14) Makabia I & II. 

 (B) THUTHLUNG THAR ; (1) Gospel of Nicodemus (2) Protevangelism of James (3) Passing of Mary (4) Gospel according to the Hebrai (5) Gospel of the Egyptian (6) Gospel of the Ebionites (7) Gospel of the Peter (8) Gospel Pseudo Matthew (9) Gospel of Thomas (10) Nativity of Mary (11) Arabic Gospel of Childhood (12) Gospel of Joseph the Carpenter (13) Apocalypse of Peter (14) Acts of Paul (15) Acts of Peter (16) Acts of John (17) Acts of Paul (18) Acts of Thomas (19) Letters of Peter to James (20) Epistle from Laodicae (21) Letter of Paul to Seneca & Seneca to Paul. 

 ©LEHKHABU DANG ; (Thuthlung Hlui zinga chhiar tel ve mai theih) (1) Enoka lehkhabu (2) Jubili lehkhabu (3) Mosia chanchin (4) Isaia vanlawn thu (5) Baruka Thupuan (6) Solomona hla (7) Puipa 12 te chanchin (8) Sybbilline mifingte.

Comments

Post a Comment

Popular posts from this blog

CHIEF MINISTER HNENA LEHKHATHAWN

-
Mahmuaka Chhakchhuak June 15, 2025 Ka pu, chibai ka bûk a che.  Ram leh hnam hmasawnna tura ram i vei dan hi kan hre tam hauh lo nain kan hriat chinah ringawt pawh kan chhuang che a, a hun chhung sawi pawhin ram i veina chin hi a rei ta hle mai a, kum sawm li hial a tling tawh awm e. Hetiang taka ram i veina chu chunglamin a hriatpui che a nih ngei anga hei tunah chuan mawhphurhna lian tak ilo chelh ta a, i lakah beisei pawh kan nei sang hle. Khawvel ram hrang hrangte kan thlirin hruaitu pakhat avanga ramin hma a sawn theihzia kan hria a, hruaitu tha an neih avanga ramin hma a sawn dan sawi tur tam tak a awm. Singapore ram kan sawiin Lew Keun Yew hming sawi rik lohtheihloh a ni a, China sawiin Chairman Mao, Cuba sawiin Fidel Castro, chutiang zelin Bihar state hmasawnna pawh Chief Minister Nitish Kumar vang a ni tih tumahin kan hai lo ang. Kum 2005 atanga chawlh awm loa vawiin thlengin Bihar mipuiin an la mamawh a ni chek ang a, ram leh hnam tana a hnathawh avangin tum riat zet chu ...
Read more

TACHHIP ARSI ÊNG

-
Mahmuaka Chhakchhuak Oct. 26, 2025 Tachhip aṭanga Kaphleia’n eng mawi tak a rawn chhuah kan hria a, chu eng mawi tak chuan Zoram pum a enin vawiin thlengin chu eng chu kan la hmuin lawmna min rawn thlen a.   Chalchhingvunga Chhakchhuak leh Chuaizovi te fa hmingkoh Kaphleia kha kum 1910, January ni 10-ah Aizawl-Sialsuk kawnga Ṭhiak khuaah a piang a. An unau hi paruk an piang na a, pahnih erawh chu an sen laiin an boral hlauh a, dam puitling chho ta chu pali niin, Kaphleia hi mipa awmchhun a ni a, an upat dan indawtin: Kaphleia, Darringaii, Laldinthangi leh Hualziki te an ni a, tunah erawh chuan an unau zain mual an liam vek tawh a.  Kaphleia pa hi Dak la (mail runner) a ni a, Kaphleia te unau pian hma chuan Sialsuk bul Hauhuktar-ah an awm ṭhin a, heta ṭang hian Sialsuk ah chhungkuain an pem a, pa ber hna avangin Ṭhiak khuaah an pem leh a, he hmunah hian Kaphleiate unau za hi an piang vek nghe nghe. Tin, Ṭhiak aṭang hian a pa hna avang bawkin kum 1927 khan Tachhip-ah an pem...
Read more

Dr. HL. MALSAWMA NGHILHLOHNAN (A boral champha vawikhatna pualin)

-
Mahmuaka Chhakchhuak Jan. 22, 2024   Mizo zinga mi chhuanawm tak takte hi an damlaia ka hmuh hman tur reng ni si, hmuh hman loh ka nei nual a, mi hnunga kal tur hrim hrim ang maiin an boral hnuah anmahni ngaih thu hi ziah alo ngai ta zauh zauh mai. Dr. Lip kha Lunglei ka awm tak hnu hian biangbiakna hun ka zawng thin a, alo remchang lo zel a, a dam lo khan harsatna min siam a ni ber bawk a. A boral ta hlauh a, a ruang chungah mittui tlain thu ka va sawi ta hram a. L. Keivom ngei pawh a contact number te chu han nei mah ila ka be lem chuang lo a, hmaihmaa inhmuhna hun a awm remchang lo zel a, a boral hnuah a thlan chu thla ka va lakpui hram bawk a. Chutiang zelin Dr. HL. Malsawma ngei pawh a damlaiin an inahte pawh len awm tak a nih laiin ka leng chuang lo a, a boral hnuah erawh a chhungte nen inpawh takin kan awm tain a nupui nen phei chuan kan inbe chhunzawm ta fo bawk a. Nikhat phei chu nilengin a library-ah hun ka hmang a, mi chhuanawm tak a nihzia hi a boral hnuah ka hre ...
Read more