MI HARSATE CHANAI EI SAK DUHTU TE HI

Mahmuaka Chhakchhuak

June 28, 2021

May 17, 2021 niah khan Chief Minister’s Relief Fund hman dan tur ngaihtuahtu atana din Committee on Utilization of Chief Minister’s Relief Fund for Covid- 19 chu an Chairman Pu Lalnunmawia Chuaungo, Chief Secretary hoin an ṭhukhawm a, Lockdown puan chhunga harsatna tawk, chhuanchhamte ṭanpui nan cheng Nuai sawmkua pakhat leh sing nga (91,50,000/-) semchhuah an remtiin Aizawl District chauh niloin District hrang hrangah pawh sem tur atan tih a ni. Aizawl khawpui chhungah chhungkaw 3074 zet chhuanchham an awm tawh niin Aizawl DC hnenah report a ni a, heng mite ṭanpuina  atan hian Aizawl DC kutah cheng 61,50,000/- dah nise, Lunglei leh Kolasib District ah 5,00,000 ve ve nise, District dang zawng hnenah cheng 2,50,000/- ṭheuha sem nise tih a ni bawk.  

May 21, 2021 chuan Dr. Lalhriatzuali Ralte, IAS, Aizawl District Commissioner & Chairman, District Disaster Management Authority, Aizawl District chuan press note siamin, Aizawl District chhunga Chief Minister's Relief Fund for COVID-19 sem chhuah a nih dan a tarlang a. Chief Minister's Relief Fund for COVID-19 a sum tlingkhawm aṭanga Aizawl District chan tur dah a nih veleh, Aizawl DC chuan Incident Commander te kaltlangin May 20 leh 21, 2021 khan veng/ khua tina LLTF/ VLTF kutah a hlan nghal a, anni hian an huamchhung ṭheuha hri leng leh a nghawng dang avanga chhawmdawl ngai zual nia an hriat an lo thlan chhuah tawhte hnenah an sem chhuak leh a ni. Aizawl District hi Incident Commander bial 15 ah ṭhen niin, bial khatah veng/ khua 6-10 te an awm a. Incident Commander te hian an bial chhung LLTF/VLTF te hnen aṭanga ṭanpui ngai list dilin, LLTF/ VLTF te’n May 16, 2021 thlenga chhungkaw ṭanpui ngai list an thehluhte hnenah CMRF sum hi sem a ni.

Aizawl DC-in a tarlan danin, Aizawl khawpui huam chhunga veng 46 ah leh Village Council 21 huam chhungah CMRF for COVID-19 aṭanga sum hmuh hi rualkhai taka sem rual a ni a, chhungkaw 2972 hnenah Rs. 2,000/- zelin sem chhuah a ni. Hetiangin:

• ZONE I

1) Chaltlang Lily Veng - 106

2) Durtlang - 48

3) Durtlang North - 43

4) Edenthar - 210

5) Laipuitlang - 4

6) Selesih - 36

7) Chaltlang - 87

Total - 534

• ZONE II

1) Bawngkawn - 74

2) Bawngkawn South - 14

3) Muanna Veng - 22

4) Zemabawk - 17

5) Zemabawk North - 20

6) Zuangtui - 18

Total - 224

• ZONE III

1) Armed Veng - 234

2) Chhinga Veng - 171

3) Saron Veng - 48

Total - 453

• ZONE IV

1) Chawnpui - 39

Total - 39

• ZONE V

1) Central Jail Veng - 10

2) Chawlhhmun - 35

3) Govt. Complex - 34

4) Luangmual - 30

5) Phunchawng - 26

6) Rangvamual - 18

7) Sakawrtuichhun - 25

8) Tanhril - 33

9) Tuivamit - 49

10) Zonuam - 47

Total  - 307   

• ZONE VI

1) Bethlehem Veng - 94

2) Bethlehem Veengthlang - 226

3) College Veng - 20

4) Republic Veng - 66

5) Republic Vengthlang - 30

6) Upper Republic - 27

7) Venghlui - 46

8) ITI Veng - 55

Total - 564

• ZONE VII

1) Dam Veng - 51

2) Kulikawn - 99

3) Mission Veng - 69

4) Mission Vengthlang - 9

5) Salem Veng - 186

6) Tlangnuam - 71

7) Venghnuai - 38

Total - 523

• ZONE VIII

1) Melthum - 23

2) Saikhamakawn - 97

Total - 120

• ZONE IX

1) Darlawng - 2

2) Seling - 17

3) Sesawng II - 9

4) Sesawng III - 9

5) Thingsul Tlangnuam - 10

6) Thingsulthliah I - 9

7) Thingsulthliah II - 8

8) Tlungvel - 21

Total - 85

• ZONE X

1) Muthi - 4

2) Nausel - 10

3) North Lungleng - 8

4) Sairang - 27

5) Sihhmui - 2

6) Sihphir - 22

7) Sihphir Venghlun - 37

Total - 110

• ZONE XI

 1) Sialsuk - 1

2) Chamring - 4

3) Chawilung - 4 

4) Sailam - 4

Total - 13

Aizawl District huam chhunga chhungkaw 2972 hnenah ₹ 2,000 zela sem niin, ₹ 59,44,000/- (Nuai sawmnga pakua singli sangli) sem chhuah a ni a. CMRF for COVID-19 aṭanga Aizawl District tana pek ₹ 61,50,000/- (Nuai sawmruk pakhat sing nga) aṭangin sem bang ₹ 2,06,000/- (Nuai hnih sang ruk) a la awm a. Tunah hian Incident Commander ten an bial ṭheuhah ṭanpuina mamawh an dap mek a. Ṭanpuina sem hmasaka tello ṭanpui ngaite chu an mamawh dan azirin sem leh tur an ni ang.

Hei hi Aizawl District chhung bika chhawmdawlna sem chhuah dan a ni a, chhungkaw khat atan Rs. 2,000/- zela sem a ni a, chhungkaw 2972 hnenah sem a ni. He sum sem hi a lawmawm rualin chhungkaw tan chuan hnemhnanpui tham a nih loh mai bakah mamawh a phuhruk zo dawn lo hle mai tih pawh hriatsa a ni a, an mamawh zualpui engemaw phuhruk nan chauha tih a nih pawh a rinawm. A dawngtu tan erawh a lawmawm hle dawnin a hriat a, Buhfai leh chawhmeh tlem azawng leina alo daih ringawt pawh thil hlu tak a ni ngei ang. Thla hnih aia rei Lockdown a nih tawh ngatah phei hi chuan retheih hi na tak a ni tawh a, a bik takin nitin eichawp zawngte tan ngat phei chuan retheih thlak tak a ni. zing leh tlaiah chawbel chhuan ve ziah kan lo duh bawk si a, taksa a hrisel tha bawk nen, rilru a harh kur bawk si avangin a tam emaw a tlem emaw theih ang anga sum hai luhna tur kawng ngaihtuah pawhin Lockdown a ni tlat bawk si a, patling tam tak biangah hian mittui a luang ngei pawh a rinawm. 

 

Chutianga chhuanchham tak tak chhungkaw hnena Rs. 2,000/- pek chu hlu tak tur a ni a, pek manhla tak a nih ngei a rinawm. Nimahsela Aizawl District chhunga hetianga CMRF aṭanga sum ruahman hi chhuanchham chhungkua pawh ni lem lo, Concrete In ropui tak tak nei chhungkua, dawra tana siama midang luah tir te pawhin an lo dawng ve tih hriat erawh chuan a thinrimthlak a, a zahthlak takzet a, Party Unit lam an inrawlh nia sawi te ala ni leh ta zel hi a tenawm a ni. Heti tak hian a ni maw kan mizo moral hi a lo chhiat tawh a, kan kristianna ngei pawhin awmzia a neih tak loh tih mai awl tak a ni. Mi rethei chanai ei sak duh khawpa thinlung retheite hi an khawngaihthlakawm letling zawk a, cheng tlemte pawh it khawpa duhamna thinlung neitute hi an vanduai takzet a ni. Pathianthuin a ti harh a nih loh phei chuan an thlarau lam nun pawh khawngaihthlakawm tak a ni ngei ang le.