MAHMUAKA KUT HNU

Mahmuaka Chhakchhuak April 18, 2023     Mizo tawnga ziak Bible chi hrang hrang hi engzatnge awm ka hre chiah lo nain ka theih ang anga ka han dapin chi hrang paruk chu ka hmu thei hram a. Hengte hi Mizo tawnga ziak Bible chi hrang hrang ka hmuh theihte chu a ni a; - PATHIAN LEHKHABU THIANGHLIM;   1965 Edition PATHIAN LEHKHABU THIANGHLIM;   C. L. 1994 – 1995 Edition. PATHIAN LEHKHABU THIANGHLIM;   O.V. Reference, 2005. PATHIAN LEHKHABU THIANGHLIM;   2005 C.L. Re – edited. KAN LALPA LEH CHHANDAMTU ISUA KRISTA THUTHLUNG THAR;   By Bible International. PARALLEL BIBLE (NKJV – MIZO);   By Bible for the World Hengte hi an in ang lo vek a, danglamna tam tak hmuh tur a awm a, a then hi a fiah bikin a then hi a fiah lo deuh a awm bawk a ni. Kan hriat theuh angin Mizo Bible hi Sap tawng atanga lehlin a ni a, nimahsela, NIV ang maiin kan Mizo Bible hian a duh dan dan angin a ziak mai nia hriatna tur hi hmun engemawzatah hmuh tur a awm. A t...

Mahmuaka Chhakchhuak April 17, 2023   Tunah hian kan awmna hmun Delhi-ah chuan boruak lum leh vawt tehna lamah 37`C a ni mek a, Mizoram lamah pawh a nep bik chuang hauh loin a lum ve tho mai. Delhi khawpuia khawlum tawrh chu Zorama khawlum tawrh ai chuan hrehawm deuh tak a ni a, thlifim vawt dawn tur a awm ve loin thli thaw reng reng chu a lum zawk avangin tukverh leh kawngkhar zawng zawng khar phui veka Ceiling Fan inchhem tir chu kan tih theih awm chhun a ni deuh mai. Kan awmna tak hi Concrete Building chhawng rukna niin a bang chhim lam hi zing Ni chhuah tirh atanga tlai lam Ni tlak thlenga diptu awm hauh loa dawng char char a nih avangin a bang chhung lam chu a lum huam huam reng a, a hnaih lama thutthlengah pawh thut hrehawm khawp a ni. Sawi tawh angin Ceiling Fun hi darkar khat pawh chawl loa ‘On’ char char a niin, chhun zan zawma inchhem tir a ni chungin thlantuiin min bual reng bawk a, nun a harh tak tak thei lo a, tuisik dah vawh kan in zauh zauh reng bawk a, zan bor...

Mahmuaka Chhakchhuak March 30, 2023   Ṭawng thiamsaa piang tumah kan awm lo a, tupawh mai hian kan zir chawpin kan thiam ta mai chauh a ni. Chuvangin pianpui tawng (Mother Tongue) kan tih pawh hi khawvelah tumahin pianpui tawng an neih loh avangin nausen lai atanga kan tawng thiam chu a ni maiin keini mizo tan chuan ‘Mizo tawng’ chu kan pianpui tawng alo ni ta mai zawk a. Dawithiam Lalruanga erawh kha chuan a piantirh atangin tawng a thiam nghal ni awm tak a ni a, a ni tan chuan pianpui tawng a nei tihna a ni kan ti thei ang. Mother Tongue tih chu pianpui tawng kan tih tak nain Mahni hnam tawng tihna erawh a ni kher lo thei thung. A chhan chu vawiinah ngei pawh hian kan zingah mahni hnam tawng hre lo hi mi tam tak kan awm; Pawi, Ralte, Paihte, Hmar leh hnam dang zingah hian keimahni hnam tawng aia Mizo tawng hmang ta zawk hi kan nih vang a ni. Mother Tongue hi hrilhfiahna pakhatah chuan Naupangin a thiam chian ber, suangtuah nan leh ngaihtuahna atana a hman tawng hi a ni tih ...

Mahmuaka Chhakchhuak April 14, 2023   Global Peace Leadership Conference Indo – Pacific chu April 11 – 13, 2023 chhung khan Delhiah nghah a niin tluang taka hun hman a ni. He khawmpui lian leh pawimawh tak hi Indiain a dawnna chhanah hian Group of Twenty (G20) peng pakhat Civil 20 hmalakna niin India hian mahnia ro inrela kum 75-na a nih kum leh G20 hruaitu chan a chan lai a nih bawk avangin a thlengtu a ni a. Ram hrang hrang; East Africa, Uganda, Korea, Japan, Nepal, Tanzania, Kenya, Nigeria, Pakistan, US, Bangladesh leh Malaysia atang tein mi pawimawh tak tak mi 500 vel lai kalkhawm a niin anni bakah hian India ram chhunga State hrang hrang atangin University Professors, Interfaith and Civil Society Leaders, Young Social Entrepreneurs, Leader in Youth and Community Development bakah Sorkar lama thawhpuite chu sawm an ni bawk.   GPLC hi tun hma lamah chuan Malaysia, Philippines, Nepal, Indonesia, India, South Korea, Nigeria, Mongolia, Tanzania, Uganda, Northern Irelan...

Mahmuaka Chhakchhuak April 9, 2023   Pu C. Lalremsiama (Pu Mapuia), Jt. Director Horticulture Department chu April 8, 2023 chawhnu lam dar 12;30 velah Aizawl lam atanga Sairang ram chhung, Buichali Lei thlen phei hma lawkah hian kawngthlangah tlanliamin a thlanga Tlawng luiah chuan a motor chawpa pilin tlai lam dar nga velah a ruang hi lakchhuah a nih thu Social Media-ah kan hmu a, a pawi hle mai. Pu Muanpuia, Director, Horticulture Department pawh be nghalin Pu Mapuia ngei chu a nih thu min hrilh nawnin a ruang a rawn zui chhoh mek thu a sawi a. Department lam tan pawh channa nasa tak ava ni rua em! Pu Mapuia hi Khawzawlah alo awm ve tawhin kan chenna In chhak lawkah hian anni pawh a awm ve bawk avangin pawnlang deuh tak chuan kan inhre ve a. Pa fel tak leh mi pawi sawi lo mi tak a nih avang hian a awmna hmun apiangah pawh mi ngainat a hlawh a. Hetianga a han boral tak thutah chuan amah nena kan thil tawn hi fiah taka ka la hriat avangin ka han sawi ve hrim hrim teh ang ...

Mahmuaka Chhakchhuak April 3, 2023   Lunglei khawpui chhung leh a chhehvelah hian hmun pawimawh tak tak a awmin kum 57 (1890 – 1947) chhung lai min lo awp tawhtu Sapho sulhnu pawh engemawzat ala awm. Heng Sap Upa Chenna In, Pu Buanga Chenna In, Medical Superintendent Bangla, Saptui, Baptisma channa khur, Serkawn Middle English School, Lungsen Bangla, Tlabung Bangla, Tlabung Post Office, Tlabung Police Station, Tlabung Police Staff Quarter, Zotlang Lal In leh Bawrhsap Bangla te phei hi chu INTACH lamin Heritage site atana an neih tawhte an ni a, hengte hi vawiin thlenga hmuh theiha la awm a ni.   A bik takin Lunglei khawpui chhunga awm bikte phei hi chu a luahtute’n tha takin an enkawlin a hmun leh hma pawh tha taka vawn ala ni. Pu Buanga Chenna In hi BCM General Secretary-in a luah mek a, Sap Upa Chenna In pawh BCM Associate General Secretary i/c Mission-in a luah bawk a. Heng In te hi kum 1903 vela sak an niin an bul hnaiah hian Saptui leh Baptisma channa khur pawh a ...

Mahmuaka Chhakchhuak Feb. 10, 2023   Thangthar zinga a tam zawkte chuan James Dokhuma hi a hming chauh kan hria ang a, a chanchin hre mumal lo hi kan tam zawk hial awm e. Chuti chung chuan a Lehkhabu ziak; Thla Hleinga Zan, Irrawady Lui Kamah leh Rilru far chhuak tih Lehkhabu leh Lehkhabu dang tam tak a ziak la chhiar lo hi chu kan awm lo mai thei a ni. A tawngkam pakhat – Nelawm tak zuamawm si loh, zahawm tak hlauhawm si lohin i nung ang u. A si, sual si mihring chu an ngeiawm a, a si, tha si chu an khawngaihthlak thung a. Fing si, sual si chu an hlauhawm a, fing si, tha si erawh chu an zahawm em em a ni. Mi kan chawimawi thei lo a nih pawhin i rel lo ang u khai, an hma kan sial sak thei lo a nih pawhin an kawng i dal lo ang u tih phei chu kan hre lar viauin a rinawm.   James Dokhuma te unau hi sawm leh pathum niin tunah chuan kan zinga awm tawh loin an boral vek tawh a, an unau hi mi danglam tak niin an upat dan indawtin an chanchin tlem han sawi ila; Dar-awt-lo-i...