GPLC – 2023 DELHI AH

Mahmuaka Chhakchhuak

April 14, 2023

 

Global Peace Leadership Conference Indo – Pacific chu April 11 – 13, 2023 chhung khan Delhiah nghah a niin tluang taka hun hman a ni. He khawmpui lian leh pawimawh tak hi Indiain a dawnna chhanah hian Group of Twenty (G20) peng pakhat Civil 20 hmalakna niin India hian mahnia ro inrela kum 75-na a nih kum leh G20 hruaitu chan a chan lai a nih bawk avangin a thlengtu a ni a. Ram hrang hrang; East Africa, Uganda, Korea, Japan, Nepal, Tanzania, Kenya, Nigeria, Pakistan, US, Bangladesh leh Malaysia atang tein mi pawimawh tak tak mi 500 vel lai kalkhawm a niin anni bakah hian India ram chhunga State hrang hrang atangin University Professors, Interfaith and Civil Society Leaders, Young Social Entrepreneurs, Leader in Youth and Community Development bakah Sorkar lama thawhpuite chu sawm an ni bawk.  

GPLC hi tun hma lamah chuan Malaysia, Philippines, Nepal, Indonesia, India, South Korea, Nigeria, Mongolia, Tanzania, Uganda, Northern Ireland, Brazil leh United States ahte hun hman alo ni tawh thin a, kumin hi India rama a thlen vawi hnihna a ni. He khawmpui lianah hian thupui pawimawh tak tak pali hmang tein hun hman a niin chung thupuite chu;

·       Youth Empowerment: Build the Youth, Build the Nation

·       Transforming Education for the Future: Character, Creativity, Mindset and Skills

·       Values-Based Peace building: Tools for Social Cohesion, Interfaith Action and Unity

·       Environmental Conservation te a ni.

 

A ni khatna, April 11, 2023 niah hian Manav Rachna University-ah Youth Sustainathon; Leap Hubs Challenge tih thupui hmanga hun hman a ni.

A ni hnihna, April 12, 2023 niah hian Royal Plaza Hotel leh Le Meridien Hotel-ahte nilenga hun hman a niin chawhma lamah hian Youth Empowerment; Leveraging the Youth as Global, Moral and innovative Leaders of the Now tih thupui hmangin Venetian Hall; Royal Plaza Hotel-ah hun hman a niin Values-Based Peacebuilding; Our Common Humanity: Building Social Cohesion Through Shares Values tih thupui hmang bawkin Regal Hall; Royal Hotel-ah hun hman a ni bawk. Hetih rual hian Transforming Education for the Future: The Need to Transform Education for the Future tih thupui hmangin Inspire Hall, Le Meridien Hotel-ah hun hman a niin Environment Conservation: Environment Threats, Impacts, and a Call to Action tih thupuia hmangin Le Belvedere, Le Meridien Hotel-ah hun hman a ni bawk. 

Chhun chawlhah chhun chaw (Lunch) hnianghnar taka ei a niin chumi hnuah chawhnu hun hman leh a ni a. Youth Empowerment: Youth Capacity Building and Empowerment through Indentifying New Essential Life Skills for Nation Building tih thupui hmanga hun hman a nih hnuin Youth Empowerment & Value-Based Peacebuilding: Let’s All be Peacebuildes! Tih thupui hmangin Venetian Hall, Royal Plaza Hotel-ah hun hman leh a ni a. Hetih rual hian Transforming Education for the Future: Realizing Future-Ready Education tih leh Environment Conservation: Environmental Models for Scalable Action Achieving 2030 Goals leh Transforming Education for the Future: Building Educator Capacity with Moral and Innovative Leadership tih leh Environment Conservation: Policies and Scalable Initiatives: Recommendations for C-20 and the New Delhi Declaration tih hmang tein Inspire Hall & Le Belvedere; Le Meridien Hotel-ah te hun hman a ni. Tlai lam dar 4;30-ah thingpui inna neih leh a niin chumi hnuah chuan bangin kan riahna hmun lamah lirtheiin min hruai leh a. 

A ni thumnaah erawh chuan kan zavaia Sovereign, Le Meridien Hotel-ah hun hman a ni. Kan hun hmanna hmun Sovereign hi a lian tha viau mai a, Stage hnunga banner tar chu feet 50 a thui leh feet 10 vel bawka hlai a ni a, lian tha hem hem tak a ni. Thusawi tha tak tak ngaihthlak bakah zai leh lamtea hun hman a ni. Hun hmangtute reng rengin stage-a hun an hman lai chuan anmahni aia lian daih zawk hian Stage hnungah chuan projector hmanga lo tarlan zel a niin keimahni pawh chu kan inhmu zauh zauh thin bawk a. Ram hrang hrang atangin Speaker ropui tak tak sawm vel zet turte chuan minute 15 vel zelin thu an in sawi chhawk a, a bik takin Khawvel puma remna leh muanna a awm theihna lam thu an sawi uar hle. Tin, he khawmpui lian leh pawimawh tak hian thupui atan ‘Vasudhaiva Kutumbakam; Vision for Advancing Human Consciousness and Peace’ tih chu hman a niin khawmpui neih chhan pawimawh tak (Objective) pali a awm bawk a, chungte chu;

·       Khawvel thlirna hmanga vantlang nun hlawk zawka inzawm tir

·       Thalaite zirna zau zawk lama hmasawnna tura hma lakpui leh hnam hrang hrangte kara inremna siam leh hruaitu ni tura chher chhuah leh Indo-Pacific inkara Civil 20 thil tum thehdarh

·       National leh region-a tualchhung inkara Environment humhalh nana SDG zulzuia hmalak

·       Khawvel hi duhthusam, chhungkaw khat a nihzia lantirna tura hnathawh tlan theihna hmun siam tihte a ni.

 

Khawmpui nghahna hmun Hotel-te hi Delhi khawpuia Five Star Hotel tlemte zing ami niin Luxury Hotel an tih zinga tel phak an ni bawk. Hall lian tak mah nisela kan hun hmanna hmun chu Air Conditioned niin boruak chu a vawt lam lek lek a ni a, pawn lamah erawh lum hle mahsela keini erawh chu kawrchung nen pangngai takin kan awm a, engkim mai chu a felfai thlap vek maiin mit leh beng a tlai thin hle bawk.  

GPLC – 2023 ah hian Mizoram atanga keimah chiah kalin Nagaland State atangin tlangval fel deuh mai pakhat hi a rawn tel bawk a, keini bak chu North East State dang atang kal hi an awm lo niin ka hria. Kolkatta atanga kal nen hian kan inngaina ang reng hle a, chhun chawlh velah hian kan inkawm thin a, Mizoram-a a hmelhriat pakhat Jacinta ka hriat leh hriat loh min zawh chuan ka thiannu a nih thu ka han sawiin North Vanlaiphai-a awm Miss Jacinta chu kan han be nghal bawk a, chumi atang phei chuan kan inngaina lehzual a, NIFAA National President alo ni lehzel bawk nen chuan kan thinlung pawh inhnaih lehzual a, May thlaah Mizorama rawn kal a tum thu a sawi nghe nghe bawk.  

Hetiang khawmpui lian hi kei atan chuan thil chhinchhiah tlak tak a niin a hlawkthlak hle mai bawk. Flight Ticket hi min laksak tur angin an insawi nain keimahniin kan la leh ta zawk a, Airport atanga kan thlenna hmuna min hruaitu tur Taxi an lo ruahman bawkin kan riahna hmun atanga chhun lama hun hmanna hmunahte pawh min hruai turin Lirthei changkang tak a awm bawk. Hetiang khawmpui lian leh pawimawh taka ka tel thei hi lawmawm ka ti hle a, Pathian min hruainaah ka lawm takzet a ni.