I LOVE KHAWZAWL

-

Mahmuaka Chhakchhuak

Jan. 15, 2025



I Love Patna, I Love Chennai, I Love Champhai tih leh I Love Thingsai tih ziakte hi an hmuin kan hre tawh awm e. Keini Khawzawl tan hian I Love Khawzawl tih ziak hi langsar takin kan buatsaih ve dawn nge tih hi thalai rilruah a awm mai thei a, kan buatsaih emaw buatsaih lo emaw I Love Khawzawl ziak aia ropui zawk hi kan hriat fiah ngei a duhawm.

I Love Thingsai, I Love Champhai tih chu Thingsai ka hmangaih, Champhai ka hmangaih tihna a ni a, a ropui hle. Nimahsela hetianga ziaka kan tarlan ai hian kan thinlung lama hmangaihna tak tak kan neih zawk hi a ropui zawkin a hlu zawk tih hi kan hriat loh ka hlau hle. Hmangaihna hi sawi mai a ni lo a, a taka hmangaihna hi lantir loh chuan eng anga thlum pawhin hmangaihna thu chu sawi chiam chiam mah ila hlutna tak tak a nei ngai lo thin. Nulat tlangvalna kawngah a ni emaw Nupui pasal kawngah a ni emaw unau leh unau inkarahte pawh nisela Hmangaihna hi sawi mai a tawk lo a, a taka lantir ngei loh chuan Hmangaihna tluantling a tling zo thin ngai lo.

Hmangaihna hi tehsen chi chu a ni hauh lo ang a, a teha teh tum chi pawh a ni kher chuang lo ang. I Love Champhai tih ziaktu leh neitute ngei pawh hian Champhai hi an hmangaih tak tak em tihte hi rilruah awm bawk a. Mahni awmhmun atanga lo sawisel ngawt erawh a tha lem lo nain anniin ziak langsar taka tarlang tute ai hian Khawzawl hi kan hmangaih thei zawk tih erawh thu mai niloin a takin kan lantir thei hi tih vawiin atang hian kan lantir a tha viau mai.

Khawzawl hi hmangaih a ngai a, hmangaih tlak a niin hmangaih a tul hle bawk. Kan hriat theuh angin Grouping Center (Khaw khawmna hmun) niin a chhehvel khaw hrang hrang atanga sawikhawmna hmun a ni a. Mize hrang hrang leh hmelhriat ngai loh tak takte awmna hmun niin tunah chuan ‘Khaw khat leh Unau’ kan lo ni ta. Kan inunauna hi kan khua hian malsawmnaa a chhiar theihna tura a taka kan lantir hi thil pawimawh hmasa ber a ni a, chumi tur chuan a chhunga chengte hi kan pawimawh ber bawk.

Khawtlang hruaitu fel tak tak kan nei thin a, bialtu MLA thlengin Khawzawl hmangaihtu tak tak kan nei tawhin kan nei mek zel bawk a, a lawmawm hle. A chhunga chengte hian anni ang bawka hmangaihna kan lantir a tul a, duat taka Khawzawl hi kan enkawl a tul. Kan khaw chhehvela ramngawte hi humhalh tha ila, kangmei leh tichhe thei thil lakah humhalh tlatin Nungchate tana thlamuang taka chen theihna tura kan ramngawte hi kan enkawl a pawimawh hle. Tin, Khawzawl hi a chhehvel khua; Arro, Neihdawn, Khualen, Rabung, Tualte, Khawhai leh khaw tam takte hian an tharchhuah thlaite zawrhna hmun atan an rawn hmang thin a, District khawpui a nihna ang pawhin Khawzawl hi khawpui pawimawh tak a ni bawk.

A hmun leh hma chu tidanglam thei lem lo mah ila a chhunga chengte hian Khawzawl hi khaw nuam lehzual zawkin kan buatsaih thei tih hi kan theihnghilh loh ka duh bawk a. Vantlang kawngpui kan enkawl danahte, In leh lo kan din danahte leh kan nunphung hrim hrimah hian midang tana hnawksak lo thei ang bera kan khawsak a tha. Sorkar hna avangte leh thildang vangin Khawzawlah hian mikhual an awm ve reng a, reilote awma min chhuahsan leh mai thinte pawh chhiar tham an awm reng. Chungte ngei pawh chuan Khawzawl an sawizui dan turah hian khawnuam leh khaw inlungrual kan nihna hi an sawi rin ber ni thei sela. Chhiat that thuah emaw kohhran thilah emaw Khawzawl chu an inhmangaih bik tiin emaw Khawzawl chu chhiat tawhnan a duhawm tihte an sawi fo theihna turin a chhunga chengte hian hawh u, tan ila lehzual sauh ang u.

Hmelma thuhmun kan neih; Ruihhlo do chungchang ngei pawh kan tanrual a pawimawh hle a, tute’n emaw Khawzawl chu ruihhlo hmunpui an tih lohna tura tanrualna tha tak nen kan beih let a tulin a pawimawh hle. Khawzawlah chuan ruihhlo zuar an awm ve lo tihte hi khaw dangte hian min sawi thin dan nisela a va duhawm em. Khawzawlah chuan Zu zuar an awm pawh kan hre lo tihte hian min sawi fo sela a duhawm. 

Hetianga kan han sawina hi Khawzawl kan hmangaihna lantirna atan thil pawimawh tak a ni a, khaw dangin I Love Champhai, I Love Thingsai tih lian leh langsar taka an tar angin tar ve lem lo mah ila keini chuan atakin Khawzawl hi kan hmangaihna kan lantir thei a, kan lantir bawk dawn a ni i ti zawk ang u. 

I Love Khawzawl 














Comments

Post a Comment

Popular posts from this blog

CHIEF MINISTER HNENA LEHKHATHAWN

-
Mahmuaka Chhakchhuak June 15, 2025 Ka pu, chibai ka bûk a che.  Ram leh hnam hmasawnna tura ram i vei dan hi kan hre tam hauh lo nain kan hriat chinah ringawt pawh kan chhuang che a, a hun chhung sawi pawhin ram i veina chin hi a rei ta hle mai a, kum sawm li hial a tling tawh awm e. Hetiang taka ram i veina chu chunglamin a hriatpui che a nih ngei anga hei tunah chuan mawhphurhna lian tak ilo chelh ta a, i lakah beisei pawh kan nei sang hle. Khawvel ram hrang hrangte kan thlirin hruaitu pakhat avanga ramin hma a sawn theihzia kan hria a, hruaitu tha an neih avanga ramin hma a sawn dan sawi tur tam tak a awm. Singapore ram kan sawiin Lew Keun Yew hming sawi rik lohtheihloh a ni a, China sawiin Chairman Mao, Cuba sawiin Fidel Castro, chutiang zelin Bihar state hmasawnna pawh Chief Minister Nitish Kumar vang a ni tih tumahin kan hai lo ang. Kum 2005 atanga chawlh awm loa vawiin thlengin Bihar mipuiin an la mamawh a ni chek ang a, ram leh hnam tana a hnathawh avangin tum riat zet chu ...
Read more

TACHHIP ARSI ÊNG

-
Mahmuaka Chhakchhuak Oct. 26, 2025 Tachhip aṭanga Kaphleia’n eng mawi tak a rawn chhuah kan hria a, chu eng mawi tak chuan Zoram pum a enin vawiin thlengin chu eng chu kan la hmuin lawmna min rawn thlen a.   Chalchhingvunga Chhakchhuak leh Chuaizovi te fa hmingkoh Kaphleia kha kum 1910, January ni 10-ah Aizawl-Sialsuk kawnga Ṭhiak khuaah a piang a. An unau hi paruk an piang na a, pahnih erawh chu an sen laiin an boral hlauh a, dam puitling chho ta chu pali niin, Kaphleia hi mipa awmchhun a ni a, an upat dan indawtin: Kaphleia, Darringaii, Laldinthangi leh Hualziki te an ni a, tunah erawh chuan an unau zain mual an liam vek tawh a.  Kaphleia pa hi Dak la (mail runner) a ni a, Kaphleia te unau pian hma chuan Sialsuk bul Hauhuktar-ah an awm ṭhin a, heta ṭang hian Sialsuk ah chhungkuain an pem a, pa ber hna avangin Ṭhiak khuaah an pem leh a, he hmunah hian Kaphleiate unau za hi an piang vek nghe nghe. Tin, Ṭhiak aṭang hian a pa hna avang bawkin kum 1927 khan Tachhip-ah an pem...
Read more

Dr. HL. MALSAWMA NGHILHLOHNAN (A boral champha vawikhatna pualin)

-
Mahmuaka Chhakchhuak Jan. 22, 2024   Mizo zinga mi chhuanawm tak takte hi an damlaia ka hmuh hman tur reng ni si, hmuh hman loh ka nei nual a, mi hnunga kal tur hrim hrim ang maiin an boral hnuah anmahni ngaih thu hi ziah alo ngai ta zauh zauh mai. Dr. Lip kha Lunglei ka awm tak hnu hian biangbiakna hun ka zawng thin a, alo remchang lo zel a, a dam lo khan harsatna min siam a ni ber bawk a. A boral ta hlauh a, a ruang chungah mittui tlain thu ka va sawi ta hram a. L. Keivom ngei pawh a contact number te chu han nei mah ila ka be lem chuang lo a, hmaihmaa inhmuhna hun a awm remchang lo zel a, a boral hnuah a thlan chu thla ka va lakpui hram bawk a. Chutiang zelin Dr. HL. Malsawma ngei pawh a damlaiin an inahte pawh len awm tak a nih laiin ka leng chuang lo a, a boral hnuah erawh a chhungte nen inpawh takin kan awm tain a nupui nen phei chuan kan inbe chhunzawm ta fo bawk a. Nikhat phei chu nilengin a library-ah hun ka hmang a, mi chhuanawm tak a nihzia hi a boral hnuah ka hre ...
Read more