LPR – 5

-

Mahmuaka Chhakchhuak

Oct. 10, 2025


Oct. 9, 2025 (Thursday) ah khan Vanapa Hall, Aizawl-ah Mizo Writers Association (MWA) huaihawtin Lehkhabu Pho Runpui thawh nga-na (LPR – 5) chu Pu K. Sapdanga, Home Minister chuan hawnna a neiin heng lehkhabute hi a tlangzarh nghal a;

1. MIZO LALTE THU BUAI REM DAN A LAI TAWK EM? (A critical Study of Mizo Customary Law). Ziaktu: K. Remruatfela

2. ZAHNA ZAKZEHIN. Ziaktu: Lalthantluanga Chawngthu

3. LALA DAWHTHLAK. Ziaktu: C. Laizawna

4. DAIRY OF PASTOR CHHAWNA. Ziaktu: C. Laizawna

5. HMANLAI AN CHANG TA MAW. Ziaktu: R. Rothangpuii

6. THAWNTHU TAWI PASARIH. Ziaktu: Mai Shokhlei Par

7. SHOORVIR KHUANGCHERA. Ziaktu: Prof. Laltluangliana Khiangte

8. A STUDY OF MIZO NOVEL. Ziaktu: Prof. Laltluangliana Khiangte 

9. THINLUNG THANGKHAWK (The Soliloquy). Ziaktu: Mahmuaka Chhakchhuak

10. ZALENNA SUALTU AU AW. Ziaktute: Thang Sian Tluang & H.L. Lawmzuala

11. Dr. AMBEDKAR-A CHANCHIN. Ziaktu: Lal\anpuia Hnamte

12. MITTHI THO LEH. Ziaktu: Hausanga Hauzel

13. VAU VULLAI. Ziaktu: Ngotekherh

14. MIZO ṬAWNG CHHUINA. Ziaktu: C. Chhuanvawra

15. MIZO CHANCHIN CHHUIZAUNA. Ziaktu: B. Lalthangliana


Heng lehkhabu ziaktute zingah hian mi chhuanawm deuh pahnih an awm a: pakhat zawk chu R. Rothangpuii hi a niin pakhat leh zawk chu Ngotekherh tih hi a ni leh a. HMANLAI AN CHANG TA MAW tih ziaktu R. Rothangpuii hi tunah kum 83 ni tawhin N. Vanlaiphai khua niin lehkhabu hi 13 emaw lai alo ziak tawh nghe nghe. July 23, MWA Foundation Day-ah khan a lehkhabu Hmangaihna Tluantling tih chu tlangzarh a lo ni tawh bawk. VAU VULLAI ziaktu Ngotekherh hi a hming pangngai chu Lalzarliana niin Tahan Literature Circle member niin thu leh hla lama tui tak a ni a, kohhran rawngbawltu pawimawh tak a ni. Tin, hmeichhe kutchhuak thar bu hnih chhiar tur a awm thei hi a lawmawm a, ziaktu senior Pu C. Chhuanvawra leh B. Lalthangliana te pawhin kutchhuak an la nei thei hi a lawmawm hle bawk.  

LPR-5 ah hian lehkhabu chi hrang hrang 500 vel zet pho chhuah a niin lehkhabu ziaktu mi 120 velin an ziak a ni. A ni khat ni aṭang hian tlawhtu an ṭhahnem hle mai a, a bikin ṭhalai lamin an bawh zual. Zan dar kua thlenga lehkhabu hralh kal zingah: C. Lalawmpuia Vanchiau kutchhuak Tapchhak Theory chu pakhatna niin Lalhruaitluanga Ralte lehkhabu Zoram Varṭian chu pahnihna a niin pathumna chu Anita, C. Laizawna ziak chu a ni bawk. Lehkhabu dangte pawh hralh a kal hlawm hle. Lehkhabu leitute hian lehkhabu ngaihnawm leh ṭha an thlir tih a hriat a, a lawmawm. Pu C. Lalzawna nge Pu Lalhmachhuana Zofa te hian an kutchhuak lehkhabu pho tam zawk ang tih hial turin anni hi kutchhuak lehkhabu ngah dun tak an ni a, an chhuanawm hle. 

Mizo Writers Association chuan hetianga lehkhabu phochhuah an buatsaihna hi a ṭum ngana niin tluang takin hun an la hmang thei zel a, a lawmawm. Man tlawm zawka phochhuah a nih mai bakah lehkhabu chi hrang hrang kimna ber tih theih hial tur a nih bawk avangin pan manhla tak a ni. Tun ṭum phei hi chu a hunchhung tlemin a rei deuh hlek thei dawn lehnghal a, a lawmawm hle mai. 

Smart Phone vangin lehkhabu chhiartu kan tlem kan han ti tak nain LPR alo thlen hi chuan lehkha chhiar mi chu kan lo la tam hle tih a hriat a, ṭumkhata sang chuang man tak tak lei hi chhiar tur an awm nuk zel thei hi a lawmawm nasa. Chutih rual chuan lehkhabu lam hawi nachang hre lo tak tak erawh kan la tam hle thung a, social media lamah lah lehkhabu lamin hmun a chang thei reng reng ta lo erawh a pawi hle. Pathian zarah kan la dam zel a nih pawhin kan ṭhalai zinga ruihhlo ti ve duh miah lo a, lehkhabu chhiar hram hramte vang hian he hnam hi chhanhimin ala awm ngei a rinawm a, sorkar hna sang leh zahawm tak takte hi vawiina lehkha chhiar lui tlatte hi an la nih zawk ngei pawh a rinawm. 

Hetianga lehkhabu man tlawm leh kimchang taka lehkhabu phochhuahna hun buatsaih hi thil awllai a ni hauh lo a, lehkhabu ziaktute tan senso engmah awm lo tura buatsaih a nih lehnghal avang hian a nazawnga tihtheih a ni lo. Hmun dang, Aizawl pawn lama awm tan pawh pan vang vang tham a niin Aizawl khawpui chhunga awm tan phei chuan hmaih chi rual loh tur a ni a, hetianga MWA lamin min rawn chhawp chhuah sak hi kum dangah a ni leh ang em tih pawh sawi lawk a theih hauh loh. I dam a nih ngat chuan kal hram tum la, i kal a nih ro ro chuan lehkhabu pakhat mah lei loa chhuah leh tum hauh bawk suh ang che. 












Comments

Post a Comment

Popular posts from this blog

CHIEF MINISTER HNENA LEHKHATHAWN

-
Mahmuaka Chhakchhuak June 15, 2025 Ka pu, chibai ka bûk a che.  Ram leh hnam hmasawnna tura ram i vei dan hi kan hre tam hauh lo nain kan hriat chinah ringawt pawh kan chhuang che a, a hun chhung sawi pawhin ram i veina chin hi a rei ta hle mai a, kum sawm li hial a tling tawh awm e. Hetiang taka ram i veina chu chunglamin a hriatpui che a nih ngei anga hei tunah chuan mawhphurhna lian tak ilo chelh ta a, i lakah beisei pawh kan nei sang hle. Khawvel ram hrang hrangte kan thlirin hruaitu pakhat avanga ramin hma a sawn theihzia kan hria a, hruaitu tha an neih avanga ramin hma a sawn dan sawi tur tam tak a awm. Singapore ram kan sawiin Lew Keun Yew hming sawi rik lohtheihloh a ni a, China sawiin Chairman Mao, Cuba sawiin Fidel Castro, chutiang zelin Bihar state hmasawnna pawh Chief Minister Nitish Kumar vang a ni tih tumahin kan hai lo ang. Kum 2005 atanga chawlh awm loa vawiin thlengin Bihar mipuiin an la mamawh a ni chek ang a, ram leh hnam tana a hnathawh avangin tum riat zet chu ...
Read more

TACHHIP ARSI ÊNG

-
Mahmuaka Chhakchhuak Oct. 26, 2025 Tachhip aṭanga Kaphleia’n eng mawi tak a rawn chhuah kan hria a, chu eng mawi tak chuan Zoram pum a enin vawiin thlengin chu eng chu kan la hmuin lawmna min rawn thlen a.   Chalchhingvunga Chhakchhuak leh Chuaizovi te fa hmingkoh Kaphleia kha kum 1910, January ni 10-ah Aizawl-Sialsuk kawnga Ṭhiak khuaah a piang a. An unau hi paruk an piang na a, pahnih erawh chu an sen laiin an boral hlauh a, dam puitling chho ta chu pali niin, Kaphleia hi mipa awmchhun a ni a, an upat dan indawtin: Kaphleia, Darringaii, Laldinthangi leh Hualziki te an ni a, tunah erawh chuan an unau zain mual an liam vek tawh a.  Kaphleia pa hi Dak la (mail runner) a ni a, Kaphleia te unau pian hma chuan Sialsuk bul Hauhuktar-ah an awm ṭhin a, heta ṭang hian Sialsuk ah chhungkuain an pem a, pa ber hna avangin Ṭhiak khuaah an pem leh a, he hmunah hian Kaphleiate unau za hi an piang vek nghe nghe. Tin, Ṭhiak aṭang hian a pa hna avang bawkin kum 1927 khan Tachhip-ah an pem...
Read more

Dr. HL. MALSAWMA NGHILHLOHNAN (A boral champha vawikhatna pualin)

-
Mahmuaka Chhakchhuak Jan. 22, 2024   Mizo zinga mi chhuanawm tak takte hi an damlaia ka hmuh hman tur reng ni si, hmuh hman loh ka nei nual a, mi hnunga kal tur hrim hrim ang maiin an boral hnuah anmahni ngaih thu hi ziah alo ngai ta zauh zauh mai. Dr. Lip kha Lunglei ka awm tak hnu hian biangbiakna hun ka zawng thin a, alo remchang lo zel a, a dam lo khan harsatna min siam a ni ber bawk a. A boral ta hlauh a, a ruang chungah mittui tlain thu ka va sawi ta hram a. L. Keivom ngei pawh a contact number te chu han nei mah ila ka be lem chuang lo a, hmaihmaa inhmuhna hun a awm remchang lo zel a, a boral hnuah a thlan chu thla ka va lakpui hram bawk a. Chutiang zelin Dr. HL. Malsawma ngei pawh a damlaiin an inahte pawh len awm tak a nih laiin ka leng chuang lo a, a boral hnuah erawh a chhungte nen inpawh takin kan awm tain a nupui nen phei chuan kan inbe chhunzawm ta fo bawk a. Nikhat phei chu nilengin a library-ah hun ka hmang a, mi chhuanawm tak a nihzia hi a boral hnuah ka hre ...
Read more