MAHMUAKA KUT HNU

Mahmuaka Chhakchhuak Dec. 29, 2021   Zing karah chuan kan nu nen kan hnar kan va hawlh tir a, ka vawikhat inhawlhna tur a ni bawk a, a za ka tiin ka hahchhiau nasa ngang mai. RAgT hmanga an han test chuan ka lo Positive reng mai niin ‘Ka Pu, i Positive‘ min han ti chu a dawnsawn a nuam lutuk hran lo. Inthlahrunna nei hauh lo leh tawngkam fiahfai takin ‘I Cancer’ pawh min ti zawk nisela ka dawnsawn dan chu a danglam kher awm chuang lo e. Ka pawm lo chuan ‘A dik chiah maw’ ka han ti leh kher a, a ni lah chuan confi takin ‘Dik e’ tiin min chhang leh a, chutah zet chuan ka inpawm thei ta a, CoviD Positive chu ka lo ni ta ka inti a. Chuta ka rilrua thu rawn awm hmasa ber chu ‘He CoviD vang hian ka boral thei a, ka boral lo thei bawk. Pathianin keimahah duh a nei a ni ngei ang’ tiin lawm taka pawm ka tum ta a.   Nimahsela CoviD hri kai chu natna dang ang alo ni hauh lo mai a, Pathian zarah kan vanneiin a natna ngau ngau chu engmah tham a ni lo zawkin kan palzam thei viau m...

Mahmuaka Chhakchhuak Dec. 13, 2021   Chibai ṭha ber kan han buk hmasa a che u.   Ram tana inthawhrimna avangin vawiin huna zoram hmuntina ZPM thli a tleh hi lawmawm kan tiin mithar lawmluh tur an awm reng hi chunglam malsawmna a nih ngei pawh kan ring a, in chanchin hi ngaihnawm kan tiin mahni awmhmunah kut kan lo beng ve thin a ni. Zoram politics ah mipui beidawng an tamin beiseina nei tawh reng reng lote pawh an beidawng hial titein fiamthuin an sawi a, chutiang karah chuan mipui beidawngte tana beiseina ni turin kum 2017 ah Pawl hrang hrang paruk infinkhawm hmanga Zoram People’s Movement (ZPM) in rawn din ta hi lawmna avanga kut beng an tam a sin. Amaherawhchu Politics chu khawvel thil ngang a niin ZPM ngei pawh chuan boruak chhiat chang leh that chang in nei lo thei lo a, tunah meuh chuan Pawl paruk zinga pahnihte chuan ZPM atanga inpuchhuak ang deuhin an han awm a, hetia ngaih mai chuan kawhmawhbawl chan te pawh an chang zawk em ni tih tur a nihna a awm tho bawk...

Mahmuaka Chhakchhuak Jan. 1, 2022   Kum 2021 chhunga ni hnuhnung ber mai, Dec. 31 zanlai a pelh chiah maiah chuan hmun hrang hrangah Kumthar lo thleng lawmna neiin puak thei leh hal mawi chi hrang hrang an hal a. Sorkar lam aṭang erawh chuan heng hal mawi leh puak thei chi te hi hal loh nise tiin DC tinin a khapna thuchhuah an siam a, Central YMA lam pawhin khap bawkin Police lam phei chuan hetiang hal lui an awm chuan man tur tiin an vai reng bawk. Nimahsela thupek bawhchhiat tumna hrim hrim vang chu a ni kher lo ang a, kum 2021 thlahliamna leh kumthar 2022 lo thlen dawn hunah meuh chuan a puak nasa ngang mai. Kan awmna bulhnaiah phei chuan a nasa zual emaw tih mai turin lungphu ṭha lo nei tan phei chuan manganna tham tur hian a puak nasa a, boruakah a alh sen zuai zuai mai bawk a, kangmei chhuak leh thil pawi thleng chu a awm lo hram ang chu maw.     Kumthar 2022 kan chuangkai thei hi a lawmawm hle mai a, a ṭhen tan erawh mittui nen he kumthar hi an hmuak thle...

Mahmuaka Chhakchhuak 27/12/2017 Ka Pathian chu vanah a awm an ti ṭhin a, kei chuan hmuntinah a awm ka ti. Amah chu eng ang hmelpu nge erawh ka hre lo nain a hmel chhe lo a nih ka ring a, a mitmeng pawh  engkim hmu tlang thei vek tur ang hialin a fim kak ka ring bawk a ni. a kiangah chuan mitin an tlangnel ka ring a, tlangnel bawrh bawrha ngampa tur erawh chuan a tawng tui tama, fiamthu phei chu a uar vak erawh ka ring lem chuang lo. Engkim a tihtheih ka ring nain kan dil leh beisei ang vek erawh chuan a hlawhtlin tir vek ka ring lo. A chhan chu a rorelnaah min telh ve ngai tlat loh vangin.  Ka Pathian chuan kan nimin hun a hria a, kan vawiin hun a hre bawk a, kan naktuk hun hman tur thlengin a hre lawk veka, kan thil tih tha leh tha lo pawh a hmuh hmaih chuang ngai lo. Nimahsela chuti chung chuan kan duhthlanna a nghah zawk fo avangin mi a thunun nghal lem lo fo thin. A nelawm em em rualin a zahawm a, a thusawia a rinawm avangin belhtlak a ni a, belh ngam loh tur khawp erawh c...

Mahmuaka Chhakchhuak Dec. 12, 2021   Sky Walk leh Ropeway chungchangah Politician thenkhatte inbeihna a thleng mek nia hriat a ni a, Court hial a thleng tawh bawk nia hriat a ni. A bik takin Sorkarna fawng lo chelh tawhtute ve ve Congress leh MNF Party te pahnih inkarah hian hetiang hi a vawikhat thlenna ni loin hun hmasa lamah pawh alo thleng zauh zauh tawh nia hriat a ni a, a tawp dan erawh mipui lamin kan hre mumal meuh thin lo niin a hriat. Tun tumah erawh hi chuan a tir atanga a tawp thlenga mipui lam pawhin kan hriat ngei han inbeisei ngawt ila, thil nihna pawh chiang taka hriain a dik lo pawh chiang taka hriat inbeisei ila a ṭha ang e. He Ropeway siamna tur hian Central sorkar atangin Cheng nuai 1241.29 chu Mizoram sorkar (Congress Sorkar)in a dawng a, chutih lai chuan a hnathawktu tur JV NEIP hnenah chuan kan sorkar chuan Central atanga kan pawisa dawn aia Cheng nuai 76.50 zeta tamin pawisa a pe chuang a ni awm e. Chutiang bawk chuan Skywalk siamna atana Central sor...

CHHUNZAWMNA   May 13, 1971-a A Dum Pawl hruaitu man an nih thu kan sawi tawh a, man an nih thu hi phek 83 naah tarlan a niin phek 325 ah kimchang taka tarlan a ni leh a. Hetah hian an hming pawh sawiin: Lalkhawliana, Lalhmingthanga, H. Thangkima, R. Zamawia, S. Lianzuala leh Lalnunmawia te an nih thu min hrilh a. Anni bakah hian Sipai lam hruaitu Brig. Sangkawia, Brig. Muankima, Col. Pazawna leh Col. Zathuama te man an ni bawkin Senior Officer leh Officer tenau deuh leh hmanruaa an lo hman thin sipai engemawzat man tel an ni. ZOFATE ZINKAWNGAH tihah R. Zamawia pawhin helai thu hi ziakin zing dar 9;00 atanga man tan tura tih a niin keimah tak pawh dar 9;20 ah min man a, midangte pawh man belh zelin May 17 ah chuan mi 40 lai kan tling tawh a ti. Anni bakah hi Officer dang leh Civil mi 20 chuang man an nih thu min hrilh bawkin May 24 alo thlen leh meuh chuan mi 70 an tlin tawh thu min hrilh (Phek 760 para hnihnaah hmuh theihin a awm). Pu Auva hian a lehkhabu ziakah hian Khakrach...

Mahmuaka Chhakchhuak Dec. 7, 2021     Pu Hawla awm leh awm loh hi Congress-ah hian enge danglamna thleng ang tih hi ngaihtuah tham tak a ni thei ang. Chumai chauh la ni loin anmahni Party ngei pawh hian Pu Hawla awpna hnuaiah lo hian awmdan an thiam lo hial mai thei zawk ang em tih pawh hi pawnlam atanga kan lo thlirdan a ni. Mi danglam tak leh talent ropui tak nei a nihna hi a ai rawn awhtu Pu Lalsawta hian a phak kherin a rinawm siloh avang hian Congress Party hian hmel thar an neih ngei a rinawm a, chu chu mipui hian kan ngaina dawn nge dawn lo tih chu hunin ala rawn hril zel turah ngai ila a tha awm e. Tuirial By Election boruakah Pu Lalsawta atanga thil thar kan hriat pakhat chu – That loh theihlohna bawm a sawi kha a niin a awmzia erawh min hrilhfiah chiah tak loh avangin sawifiah thiam a har a, ze hlui leh mipuiin kan duh tawh lohna atanga boruak siamthat tumna mai a ni thei ang em, nge   Pu Hawla telloa kalphung thar an hman tur lam sawina ni zawk ang tih hi...

Mahmuaka Chhakchhuak Dec. 6, 2021   Dec. 3, 2021 niah Dy. CM Tawnluia chuan Pu K. Vanlalauva lehkhabu ziah INDEPENDENCE PUAN LEH UNDERGROUND SAWRKAR tih chu Vanapa Hall-ah a tlangzarh a. He lehkhabu hi tlangzarh a nih hma pawha lo sawirik ni tawhin mimal rilruah chuan Captain Lalthlana ziak leh Pu Bualhranga ziak mai bakah Pu R. Zamawia lehkhabu ziakte chhanletna a ni mai awm mange tih tur a ni a, a chhan pawh anni ziakte hian Pu Laldenga sawiselna lam hawi lek leka an ziak vang a niin A Dum Pawl lam side-a ngaih an ni a. Tuna Pu K. Vanlalauva ziakah hian a bu kawmah ‘Buaina bul: A Dumpawl leh Intellectual’ tia ziah lan a nih kher bawk avang hian chhiar a tih chakawm phah bawk a. Chuvang tak chuan mi tam takte chuan insawifiahna lam hawi ni turah an ngaiin ‘engtin tak rawn ziak ang maw’ an ti rilru ni pawhin a hriat. A bu ziaktu K. Vanlalauva hi pa hmel fai veng vawng tak mai a nih angin a rilru pawh tluang viaua sawi a ni a, Mizoram Sorkarah tum thum lai Minister alo nih...

Mahmuaka Chhakchhuak Nov. 7, 2021   South Vanlaiphai lama thil thawn kan tum avangin Sumo Stand-ah chuan kalin midangte nen chuan motor rawn thleng tur chu kan nghak a. Keini chu thil thawn tum mai chauh kan nih avangin bungrua pawh kan nei lem lo a, kan thil thawn tur thawn a, a thawnna man pawisa pek chuan chulaia kan awmna chhan chu a tawk maiin kan haw leh dawn a ni. Kan kianga midangte erawh chuan motor-a chuan an tum avangin an bungraw neih ang angte nen chuan bawr ang reng tak chungin motor chu an lo nghak thung a, a thente chu naupangte nen an niin an thawmhnawte pawh chu naupang lam thil a nih ngei hlawm ka han ring nghal deuh mai bawk a.   Zing boruak chu thlasik tih takah a vawt lam lek lek a, keini pawh chuan kawrlum hain kekawr lum kan ha bawk a, kan kianga naupangte chuan kawrlum lek kekawr lum mai bakah lukhum lum an la khumin a thente chuan puan an sin bawk a, naupangte phei chuan vawt tih hmel takin an thu tawmin an khur hlak hlak mai a. Motor pawh c...

Mahmuaka  Chhakchhuak 5/12/2017 Lal Isua piang kha lawmpuitu mi tlemte chauh kan hria a nih kha, nimahsela a lo pian avang erawh chuan khawvel a buai a, a kum rualpui engemawzatin nunna an chan phah zawk kha hriatthiam a har a sin! Enge a chhan ni ang le? A hma kum 400 vel daih tawh khan he Nausen lo piang tur hi hrilhlawk a niin a awmdan tur leh a thiltih tur engkim hrilhlawk a ni a, chutiang ang chuan a ni chuan rawn ti dik zelin a hun tawp ber thlengin a zawma. A lo pian hunlaia khawvel buaina pawh chu thleng tur reng a ni a, a chhan chu Van-mi a nih tlat vang a ni. Khawvela a hmangaihte’n nun an neih nan Nun hlan turin a rawn kal a, natna an tawrh ai tuar turin amah a rawn inpe a, an thih aia thi turin a nun a rawn hlan ta a ni.  Lal Isua min hmangaihna hi teh phak rual a ni lo a, chhiar theih pawh a ni lo a, hriat thiam phak pawh a ni hek lo. Zir zawh sen pawh a ni chuang lo a, a thuk em em a, a sang em em bawk a, a zau em em bawk a ni. Chu chu Thuthlung Hlui hun atang ta...