MAHMUAKA KUT HNU

Mahmuaka Chhakchhuak Aug. 10, 2021 Democracy tih hi greek thumal pahnih ‘demos’ tih leh ‘kratos’ tih atanga lo kal a ni a, demos tih chu mipui tihna a niin kratos tih pawh chu thuneihna tihna a niin democracy tih chu mipui thuneihna tihna a ni. US President 16-na Abraham Lincoln khan democracy hi fiah takin heti hian alo hrilhfiah a – Democracy is the people, by the people, for the people tiin. He thu tawite hi kum 1858 Aug. 1 daih tawha a sawi mah nisela vawiin thleng hian democracy sawifiahna atana dik bera kan la hman chhoh zel chu a ni. India ngei pawhin 1950 Jan 26 atang khan Constitutionah telin he democracy hi alo pawm ṭan a, chu chu vawiin thlenga kan la hman chhoh zel a ni. Democracy ep chiah hian ram rorelna pahnih langsar tak a awm bawk a, chungte chu Tyranny leh Dictatorship an ti a, Tyranny hi Conservatism leh Despotism tiin an la hrilhfiah chhawng leh bawk thin. Khawvel sorkar hrang hrangah hian Tyranny (Lal rawnna) anga rorelna hi a tam lo viau nain heng Belarus, Cuba, ...

Mahmuaka Chhakchhuak Aug. 7, 2021 RAMRI CHIN NIA SAWI HI THU MAI EM NI: District Council hnuaia kum hnih (2) kan awm hnuah, Feb. 2, 1972 ah Union Territory- a hlankai kan ni a, North Eastern Area Reorganisation Act hnuaiah UT ramri atan chuan District Council ramri chu chhawm zui zel a ni a. Union Territory-a kum 14 vel kan awm leh hnu, Feb. 20, 1987-a State-a hlankai kan lo nihah pawh khan UT ramri bawk chu chawm zel ala ni. India leh MNF te’n inbiakna an neih kan mipuite chuan ramri chungchang hi an rawn chingfel ngei turah ngaih a ni nain Memorundum of Settlement kha an rawn sign ta si a. Hei hi vawiin thlenga kan ramri pawm tlan chu ala ni ta zel a. Hun a lo kal deuh a, MNF chuan kum 2018 General Election-ah hnehna changin sorkarna an siam leh a, MNF Ministry chuan July 8, 2019-ah Cabinet Meeting chuan Mizoram ramri chin atan Bengal Eastern Frontier Regulation 1875 chu ramri atana an pawm thu an han pass leh hnuhnawh a. Hei chiah bawk hi Mizoram Boundary Committee chuan July 30, 20...

Mahmuaka Chhakchhuak  Heti teh tawpa heading han ziah mai chu i rilru a na deuh ngeiin ka ring a, ka dem lem lo che. Nimahsela, chhiar zel la, a thupui hi a fuh berin i hre ve tho in ka ring a ni.  Kan Mizo Bible hi chi hrang engzatnge awm ka hre thei mai lo a, ka theih ang angin ka dap ve ṭhin nain tunah hian chi hrang Paruk chu ka hmu thei hram a, a dang ala awm em ka hre tawh lem lo a ni.  Hengte hi ka neih te chu a ni a ; -  *PATHIAN LEHKHABU THIANGHLIM ; 1965 Edition* *PATHIAN LEHKHABU THIANGHLIM ; C. L , 1994 – 1995 Edition*   *PATHIAN LEHKHABU THIANGHLIM ; O.V. Reference , 2005.*   *PATHIAN LEHKHABU THIANGHLIM ; 2005 C.L. Re – edited.* *KAN LALPA LEH CHHANDAMTU ISUA KRISTA THUTHLUNG THAR ; By Bible International.*   *PARALLEL BIBLE ( NKJV – MIZO ); By Bible for the World* Hengte hi a in ang lo vek a, a ṭhen hi a fiah bikin a ṭhen hi a fiah lo deuh bik chang a awm bawk a ni.  Kan hriat ṭheuh angin MIzo Bible hi Sap ṭawng aṭanga lehlin a ni a...

Mahmuaka Chhakchhuak  3;Aug;2017   Mizo ṭawng hi kan pianpui ṭawng mah nisela, a har zia hi ka hre dawn chauh zawk nge ni? Tun hmaa ka la hriat ngai lem loh tam tak ka hriat phah a, tunhma kha chuan (tunah pawh a la ni reng tho mai thei a)  Kan Mizo ṭawng Bible hi ṭawng dik tehna atan kan hmang ṭhinin ka hria a, nimahsela, kan Bible meuh  pawh hi duhthu a sam ta lo nge ni ang leh ngaihtuahna buai map map chang a tam tho mai.   Kan Mizo ṭawng Bible chi hrang paruk aṭang hian Mizo ṭawng dik nia ka lo pawm tawh pawm ngam loh  tam tak ka neih phah ta tlat mai a, Heng aṭang lo hian khawi aṭangin nge a dik chu tehna ka hre bawk  chuang si lo !  Heng Bible te hi chik taka bih chuan a danglamna a tam mai a, ‘Chang tinah danglamna a awm’ ti ila kan  sawi sual kher awm lo e. Mizo ṭawng dik thei ang ber tura buatsaih niin ka hre naa heti chuan ṭawng dik  tehna atan chuan a hman tlak hauh loh mai ! Hetiang hian Matthaia ziak hi han khaikhin ila...

Mahmuaka Chhakchhuak Aug. 5, 2021 August 5, 2021 (Ningani) chuan Assam sorkar aiawhin an Cabinet Minister pahnih, Atul Bora leh Ashok Singhalte chu Lengpui Airport aṭanga Mizoram rawn lutin kan sorkar aiawhin Pu Lalchamliana, Home Minister leh Pu Lalruatkima, I&PR Minister te nen chuan Aijal Club ah chawhma dar 11;30Am an inkawmna an nei a. Hetih lai hian kan Chief Minister chuan Twitter lamah he inbiakna hian Mizoram sorkar leh Assam sorkar inkarah rah ṭha a chhuah ngei a beisei thu tarlangin a hma niin alo puang tawh bawk.  Tun hnaiah ringawt pawh hian Assam sorkar aiawhte nen ṭum thum emaw lai kan inbiakna alo ni ta a, a hmasaber chu July 9, 2021 niah khan a ni. Hei hi sorkar laipui ruahmannaa state pahnihte inbiakna a niin ramri chungchangah a ni a, Mizoram State aiawhin Chief Secretary Pu Lalnunmawia Chuaungo niin Assam sorkar aiawhin Chief Secretary Jishu Barua te chu Delhi tlangah an inbia a ni. Meeting ah hian Pu Lalnunmawia Chuaungo chuan ramri hrulah hian harsatna awm...

Mahmuaka Chhakchhuak July 30, 2021 Mizoram leh Assam, State-te pahnih hian ramriah kum tak tak liam tawh aṭang khan buaina leh harsatna neuh neuh hi kan lo nei fo tawh ṭhin a, kan buai tawh nate kha thlir kir ila Assam lamin harsatna an rawn thlen hmasa zawk zel lehnghal a. Tunhma lama buainaah kha chuan silai han puak bawk thin mahsela thi em kan la awm loin a hriat a, July 26, 2021 ah meuh chuan silai a puak mai bakah nunna chan hial an awm a, hliam pawh engemawzat an awm bawk a, hei erawh hi chuan India ram pumpui a thlenin Central sorkar beng pawh a thleng hial a ni. A bik takin North East phei chu a nghawng na zualin state sorkar hrang hrangte lung a awih thei lo a, silai hmetpuak hmasa tu zawk Assam State chu an dem rawn hle a ni.  Vairengte daiah Assam Police 200 rual zette chu IGP leh SP te kaihhruainain an lo lutin Civil mite chu Tiang mai duh tawk loin Tear Gas, Silai leh Bomb hmangin an rawn beih a. Heng hmanraw hrang hrang bakah hian Ambulance Motor (Doctor leh Nurses) ...

Mahmuaka Chhakchhuak July 28, 2021 MIZO HI HNAM HUAISEN KAN NI: Kan pi leh pute thlang tlak hma atang tawh reng reng khan hnam dawihzep kan ni ngai lo a, thlang tla hnuah pawh hnam huaisen tak niin kan lalte ngei pawh kha mahnia lal hran bawl thei ngatin kum 200 chuang kan lo awm tawh. Kan hnam pasalthate reng reng kha ral leh sakawlh laka an huaisen avanga pasaltha pakhat chauh pawh kha khaw khatin an thlamuanpui theih an ni zel. Kan lalte reng reng khan an kiang hnaiha hnam dang awmte kha an ngai thei ngai lo a, kan lalte zingah hian vawiin thlenga chanchin ngaihnawm tak tak nei hi an awm nghe nghe. British sorkar in kum 1832 atanga Cachar an awp tan khan mizo lalte chuan sumdawnna lamah an zuk dawr thin a, chung hunlai chuan an sum hmuhna ber chu Saingho a ni. Amaherawhchu kan pasalthate ramchhuahna thin ngawpuite chu sapho chuan thingpui huan atan an rawn siam ta fo mai thin a, chutiang avang chuan 1850 October thlaah Suakpuilala leh Vuttaia te aiawh chuan Silcharah Supt. G. Verner...

Mahmuaka Chhakchhuak July 21, 2021 Capt. Lalthlana Sailo ziak ‘VANGVAT KAI LAI NITE’ tih lehkhabu chu tlangzarhna mumal tak pawh awm loin zawrh chhuah mawl deuh tawp a ni a, amaherawhchu mite’n an lo hlutin a tir atang rengin sawi hat a tling a, reiloteah chhut khatna (copies 2,500) lai chu hralh zawh vat a niin tunah hian chhut hnihna pawh zawrh chhuah leh a ni ta bawk a. Lehkhabu chhah lem lo tak, phei 260 chauha chhah a niin Zonet lama Tawma of Zonet in a kawmna kan thlir avanga a lehkhabu pawh hralh kal a ni mai thei a, lehkhabu dang chu nisela hetianga mite hlut leh ngaihven hi a ni hauhin a rinawm loh. Tunlaiin hei rei tak lockdown a ni a, hnathawh mumal theih loh lai angah phei hi chun eng lehkhabu mah hralh a kal lo tih vek a ni nain he lehkhabu zet hi chu hralh a kal viau mai a, kum upa zawk leh thalaite ngei pawhin an chhiar duh viau a ni awm e. Keipawhin Lunglei Book room hrang hrangahte ka ngaihven zauh zauh thin a, Aizawl lam atanga ala rawn thlen phei mai loh avangin ni 1...

Mahmuaka Chhakchhuak July 25, 2021 Aigupta rama saltanna hmun aṭanga Kanaan ram pana Mosia’n Israel fate a hruai lai khan an phunnawi nasa thin em em a. Nunna leh an tana hahdamna tur lam an pan tih hre reng mah sela engvanginnge thi tura min hruai te an tiin Aigupta sabel bula an awm lai te kha an ngai ngawih ngawih a nih kha. Khatiang ang deuh khan Lockdown hnuaiah hei ni tam tak kan awm ta a, thenkhatte hi chu an phunnawi nasa ta ngawtin a hriat a, inthlahrung hauh loin an theihna hmun hmunah an phunnawi a, thiam taka an han sawi bawk hi chuan alo awm-ang riauin thenkhatte hi chuan kan han hre zui mai thin bawk a. Tuna April 20, 2021 atanga Inkharkhip kan hman hi sorkar lamin an ruahman dan chuan July 31, 2021 thleng tur a ni dawn a, chuti a nih chuan ni 102 chhung lai kan inkharkhip dawn tihna a ni awm e. A rei char char hle mai a. Thenkhatte chuan ning awm pawha lang loin pangngai takin an hmang emaw tih mai tur a nih laiin thenkhatte thung hi chuan nitin maiin social media lamah ...

Mahmuaka Chhakchhuak July 24, 2021 April 20, 2021 atanga kan in lockdown khan mipuia hri darh mek chu thunun theih phah kan beisei kha a ni a, amaherawhchu kan beisei ang chu alo ni hauh lo maiin May thla a rawn thlen chuan hri kai thar kan nei ta mawlh mawlhin, May thla pumah phei hi chuan CoviD positive 6268 kan nei thar leh tho a, June thlaah ngei pawh chuan positive thar 8093 kan nei bawk a nih kha. Jan atanga June thla chhung khan CoviD vanga nunna chân mi 85 kan nei bawk a. April thla chawhnu lam hian Random test nei tura thuchhuah awmin Siaha leh Champhaiah chuan neih hman a ni a, Lunglei ah pawh nei tura ruahman a niin sorkar lam aṭanga nei lo tur hriattirna a rawn awm takah chuan an nei leh ta lo a. Mipui lam chuan lockdown hi ei leh bar zawnna kawngah min ti sukuk mahsela hri kai darh zel lohna tur leh sorkar lam aṭanga hmalakna a chak zawkna a nih dawn phawt chuan tiin sawiselna a awm lem lo viauin a hriat. Amaherawhchu May thla pum kan han in lockdown ah pawh chuan positive...