MAHMUAKA KUT HNU

Mahmuaka Chhakchhuak Feb. 19, 2025 Tunhnai lawkah North Khawlek dai-a Puk pakhat chu hmuhchhuah a niin chu pukah chuan mihring ruhro ni ngeia hriat engemawzat hmuh a ni a. He puk hi kham, kal harsa taka awm a niin tunhma lamah chuan kal ngaihna pawh an hre ngai loin tun hnuah hian hrui nena uaiin harsa taka luh ngai nia sawi a niin mihring ruhro nia ngaih pawh hi him taka lo awm a ni. Jan. 20, 2022 niah pawh khan Darkhuang Tlang, Lunglei pukpui ram chhungah ruhro engemawzat laihchhuah a niin INTACH lam leh Police lamin a hmuna an han enfiah chuan saranga fuhin an la dah sawn tawh a, an laihchhuahna hmun hi tlang chhip laihzawlna hmunah niin tlang pang aṭanga feet 20 vela thukah niin a chung lam aṭanga laih nge, a pang aṭanga laiha phum ni ang tih erawh ngaihtuah thiam a har hle mai. Heng ruhrote hi a vaiin 40 vel a niin lu ruh ang deuh pawh a tel bawk.  Heng lo pawh hi ruhro laihchhuah sawi tur a awm zauh zauh tawh ṭhin a, engtik hun laia awm nge, tute nge tih leh engtia thi nge ti...

Mahmuaka Chhakchhuak Feb. 15, 2025 India rama Pentecost kohhran phuntu Rev. EL. Scism te chhungkaw rawngbawlna hi a ropuiin chhinchhiah tlak tak tak pawh a tam hle. Rev. EL. Scism fapa Harry Scism pawh chuan a pa rawngbawlna chhunzawm zelin India hmarchhaka Pentecost kohhrana hruaitu hmasa ber niin ‘Superintendent’ chanvo chelh hmasa ber a ni a, sulhnu tam tak a nei bawk.   Rev. EL. Scism hi John Scism leh Grace Eleanor Webb te inkarah kum 1909 khan, Portland, Oregon State, US-ah a lo piang a, Scottish hnam peng khat ‘Chrisholms’ thlah Scism hnam a ni. Kum 15 a nihin baptisma a chang a, Pathian thlarau thianghlim pawh chang zui nghal maiin kum naupang tak a nih lai aṭangin Pathian rawngbawlna nei tura inpek duhna thinlung nei a ni a. Hetianga Pathian thlarauin a nuna thuneihna a neih takah chuan ram hla tak, India rama rawngbawl tura kohna pawh dawngin a inhria a, nimahsela chuti maiin kal dan tur a hre bawk si lo. Kum 1932-ah Marjorie Jean Moyer nen inneiin kum 1934 March 9-a...

Mahmuaka Chhakchhuak Feb. 9, 2025 Mizote’n khawtlang enkawl tur atana lal kan neih hmasak ber nia mi tam takin kan ngaih chu Zahmuaka niin, amah hi kum 1573 vela piang a ni a. Nimahsela kum 1500-1550 velah kan thlahtute khan Seipui an lut ṭan nia ngaih a niin hetah hian lal an lo awm tawh si avangin Zahmuaka hi lal hmasa ber anga ngaih hi a dik chiah lo mai thei. Engpawhnisela chulam chu kan sawi tum ber a nih loh avangin sawi thui rih lo mai ila, chiang taka kan hriat erawh kum 1902-ah khan Lushai Hills Superintendent Major J. Shakespeare chuan Mizo lal 188-te chu a dah nghet a, kum 1955-a lal ban dawnah meuh kha chuan lal 313 vel kan lo nei tawh a.   Kum 1890 aṭangin kan chungah roreltu thar kan neiin, Kumpinu sorkar chak tak chuan a tha chakna hmanga min hnehin lohtheihlohin kan chungah thuneihna an neiin min lo awp ṭan a, kum 1947 thleng, kum 57 chhung min awp a. Hetia min awp chhung hian kan ramah kalphung thar tam tak min duan sakin khawtlang inenkawl dante pawh min siam...

Mahmuaka Chhakchhuak Jan. 15, 2025 I Love Patna, I Love Chennai, I Love Champhai tih leh I Love Thingsai tih ziakte hi an hmuin kan hre tawh awm e. Keini Khawzawl tan hian I Love Khawzawl tih ziak hi langsar takin kan buatsaih ve dawn nge tih hi thalai rilruah a awm mai thei a, kan buatsaih emaw buatsaih lo emaw I Love Khawzawl ziak aia ropui zawk hi kan hriat fiah ngei a duhawm. I Love Thingsai, I Love Champhai tih chu Thingsai ka hmangaih, Champhai ka hmangaih tihna a ni a, a ropui hle. Nimahsela hetianga ziaka kan tarlan ai hian kan thinlung lama hmangaihna tak tak kan neih zawk hi a ropui zawkin a hlu zawk tih hi kan hriat loh ka hlau hle. Hmangaihna hi sawi mai a ni lo a, a taka hmangaihna hi lantir loh chuan eng anga thlum pawhin hmangaihna thu chu sawi chiam chiam mah ila hlutna tak tak a nei ngai lo thin. Nulat tlangvalna kawngah a ni emaw Nupui pasal kawngah a ni emaw unau leh unau inkarahte pawh nisela Hmangaihna hi sawi mai a tawk lo a, a taka lantir ngei loh chuan Hmangaihn...

Mahmuaka Chhakchhuak Dec. 27, 2024 Pathian zarah dam takin kumthar chu kan lo chuangkai leh ta. Mi tam tak tan chuan he kumthar hi thil danglam vak pawh a nih loh mai theih laiin ṭhenkhatte tan chuan he kumthar hi beiseina nena thlira hun lawmawm leh hriat reng tlak lo thlenna hun atana ruahmanna an neih hun a nih avangin a nghahhlelh-awm viau thei bawk. Mi tupawh hian ropui lai leh lansarh lai hun hi kan nei vekin chumi hnuah chuan zawi muangin hnungtawlh lam kan pan zel a, kan lo awngrawp tial tialin a tam berte chuan bawisawm ngai takin an hun hnuhnung lam an lo hmang ṭhin. Chutiang chu nang leh kei ngei pawh hian kan hmabak a nih ve theih avangin kan vanglai hun, kan ṭhatlai hunah hian kum tam tak daih tur thu leh hla kan neih a ṭul a, a bik takin midangin min pawlhsawp theih miah loh keimahni mimal chanchin hi kan tu leh fate tan pawha ro hlu tak tur a nih avangin lehkhabu ngeia dah a ṭha hle. Mizo zingah ngei pawh mi chhuanawm leh ngaihsanawm tam takin mual min lo liam san tawh. ...

Mahmuaka Chhakchhuak Dec. 14, 2024 December 12, 2024  niah khan DC Conference Hall, Lunglei-ah Pu Rin Sanga IAS (Rtd), State Convener Mizoram Chapter INTACH chuan Sub Chapter INTACH hawnna a nei a, kumthar lamah Chapter puitling (full Chapter) pawh hawnna neih tum nghal a niin Rev. Dr. F. Sangvela chu Convener niin Pu K. Lalsanga, Ex-MLA chu Co- Convener atan thlan a ni bawk.   Indian National Trust Art and Culture Heritage (INTACH) hi kum 1984 khan Prime Minister Rajiv Gandhi hoa din a niin tunah hian India ram chhung hmun hrang hrangah Chapter 170 vel awmin Mizoramah pawh kum 1984 hian ‘Mizoram Chapter’ anga din ve nghal niin tuna Mizoram chhim lama hmalakna nei tura Sub Chapter a pian takah chuan Mizoramah Chapter pahnih kan nei dawn tihna a niin an hmalakna tur tam takte zingah hmun hlu leh pawimawhte humhalh leh enkawl tur hi thil pawimawh leh ṭul tak niin a lang. INTACH hi Mizote hian kan la hmelhriat lo ang reng hle nain thil pawimawh leh ṭul tak a ni a, a hlutna h...

Mahmuaka Chhakchhuak Nov. 11, 2023 Zahawmna hi mi ṭhenkhatte hi chuan lei theihah an ngai emaw tih mai tur a ni a. A chhan pawh hming bula ‘Dr.’ tih dah lante hi zahawmnaa an ngaih vang ni berin a hriat a, chutiang chu khawi hmunah emaw lei mai tur alo awm a ni awm e. Ṭhenkhatte lah hian kohhrana kan nihna leh kan rawngbawlna hi hmun dangah pawh chhawm chhunzawm zel kan tum emaw tih turin ‘Upa’ kan nihna chu kan hming ziahnaah ziah lan tel zel kan han tum bawk a. Nihna ropui leh chhuanawm tak a nihna hi a kengtu lam hian kan tihhmelhem theihna tur lam reng hi ngaihtuah lo kan awm ṭhin.   Engkim hian hun leh hmun a nei tih hi kan hriat reng a pawimawh a, a nih loh chuan a hmun loa thil awm chu bawlhhlawh a ni tih ang maiin midang mit a tih mim theihna tur hi a awm ṭhin. Manmohan Singh ngei pawh hi Politics lama ke a pen hma chuan Punjab University-ah Professor puitling a ni tawh a, Professor hmingṭha leh mithiam bikte’na an chelh thin University Grants Commission (UGC)-ah Chair...

Mahmuaka Chhakchhuak Sept. 20, 2024 Kum 1994-a Gospel Centenary lawmna hun kan hman kha mi tam takte chuan kan hre mumal tawh lo mai thei a. Kum 30 lai alo liam ve ta reng maiin a boruak pawh chuan min liam bosan zo ta emaw tih mai tur a nih hnuin kha Gospel Centenary lawmna neih hunchhunga thil dang zawng aia boruak lian ber leh Centenary ti Centenary-tu ber mai Khuang chanchin kha i han sawi thar leh dawn teh ang.  Kum 1983 Synod, Mission veng kohhrana neihah chuan ‘Zoram Chanchin Ṭha lo thlen kum 100 tlin lawm nan’ tiin thu an lo ti tlu tawh a. Chutiang chuan kum 1984-a Synod Executive Committee chuan ‘Zoram chanchin ṭha thlen kum za tlin lawmna’ tih thupuia hmangin Sub-Committee pawh ruat nghal a ni. Sub-Committee 18 lai siam zingah hian Khuang pawh telin Rev. Dr. Zairema chu Convener atan ruat a ni bawk a. Amah hi Khuang lian nena Gospel Centenary hi lawm ngei ni rawh se ti tlattu a ni a, Convener mawhphurhna a chelh pawh hi thil inhmeh tak a ni.   Centenary Khuang b...

Mahmuaka Chhakchhuak Nov. 30, 2024 Mizo Academy of Letters (MAL) chuan kum sawm ruk tlin lawmna hun atan Vanapa Hall hulhliapah Lehkhabu Pho Runpui a buatsaih a. Lekhabu Pho Runpui (LPR) buatsaih hi thil namai a ni loin a hautak em em a, midang tan erawh malsawmna nasa tak a ni ṭhin. Lehkhabu ṭha tak takte chu man tlawm zawk, a ṭhente phei chu a man zatve hialte pawha tihtlawm niin lei manhla tak a ni hlawm a, chu hun hlu tak chu tawng ngei turin Lunglei aṭangin Aizawl ka pan a. Lehkha chhiar hi nuam ka ti a, hlawkthlak ka tiin thil inchhirawm loh tak a nihna hi ka pawh ve tawh laklawh avangin ka chhiar ve fo ṭhin. Lehkhabu chi hrang hrangte hian ngaihtuahna a tihzau ṭhin avangin leh hlawkna tam tak chhar chhuah tur a awm ṭhin avangin lehkhabu chhiar tur hi ka kawl khawm ṭhin a, sum lei paia ka lei tam tak a awmin midangin phal taka min pekte pawh a awm a. Chutiang bakah chuan mi duh loh hnu, an paih tawhte aṭanga ka chharte pawh hi eng emawzat a awm bawk.  Nov. 25, 2024 (Thawhlehn...

Mahmuaka Chhakchhuak Nov. 17, 2024 Kum eng zat thleng nge kan dam dawn a hriat hauh loh laiin mi ṭhenkhatte chuan kum za an tling bik a ni a. United State of America President ni tawh 46 zingah Jimmy Carter chu damrei ber la niin Oct. 1, 2024-ah khan kum za tlingin President zingah amah chiah hi kum za tling la awm a ni. US President 39-na niin, kum 1977 – 1981 chhung khan America mipui tan ram roreltu a ni. US President-te hian chanchin ngaihnawm tak tak an nei hlawm a, Theodore Roosevelt khan kum 42 a nihin President William McKinley thah a nih avangin President ṭhutthleng a luah ṭan a, US President zingah la naupang ber a niin John F. Kennedy chu kum 43 a nihin President atan thlan tlin a ni a, mipui thlan ngeia President naupang ber a ni. Joe Biden chu kum 78 a nihin President atan thlan tlin a ni a, vawiin thleng hian US President ni lai zinga upa ber chan ala changin Ronald Reagan chu kum 77 a nihin President a ni a, upa ber pahnihna a ni. Donald Trump pawhin kum 2021-a Office a ...